本文重點
HotCha三女矢志做女車手，一齊報名考車牌，日前她們齊齊到銅鑼灣學車，成員Winkie及Regen的駕駛技術令人觸目驚心，不但剷上，仲行錯對頭線，險象環生，途人、司機嚇到速閃。
HotCha三女早就恨考車牌，她們曾笑說：「女仔揸車好有型，自己揸車開工又方便。」日前三女就在銅鑼灣跟師傅學車，率先上堂是剛剛考牌「肥佬」的Winkie，雖然已經學車一段時間，但見她依然揸到雞手鴨腳，師傅教她學泊位，但她泊到歪晒位，又撞埋「雪糕筒」，之後仲剷上行人路，幾乎撞到燈柱，師傅嚇得及時幫她煞停。
旁人飛身避難
好姊妹Regen同樣不相伯仲，擺出一副辣車手樣子，踩行油高速在路中心U turn，但就扭軚扭過龍，錯駛過對頭線，Regen自己也嚇到不知所措，幸當時未有對頭車，否則後果不堪設想，師傅馬上幫她糾正並給她訓話要小心路面，有運輸工人在旁見狀嚇到飛身上貨車避難。
Crystal最淡定
三人當中以Crystal表現最淡定、最好，在學車途中未有太大出錯，師傅亦不停點頭讚許。當三女學完車後，就走到小食店歎茶，三女雞啄唔斷，邊吃邊傾學車的烏龍趣事。
文：音樂組