謝天華艷福享盡變落湯雞

天華昨日到汀九一間酒店泳池拍攝新劇《老公萬歲》，雖然同場有多位穿上Bra top的女藝員大派冰淇淋，不過劇情卻交代天華被鬥氣冤家李綺虹整蠱，叫齊他的三位女朋友：黃瑩、倫紫玄、曾愛媚到場玩踢爆，三女爭風呷醋期間，推了天華落水，劇情更講述天華臨跌落水前，頭部差點撞到黃瑩胸部。天華強調純屬劇情需要，想營造喜劇效果，故不會尷尬；而黃瑩則坦言：「都有啲尷尬，本來導演建議天華直頭撞落嚟，但我覺得借位都OK，拍之前有同天華溝通。」

天華慘被推落泳池，他笑言沒有着底褲。	放大圖片	李綺虹坦言唔慣做姣。

教李綺虹發姣

不過天華笑稱拍落水戲卻冇特別預備：「我連底褲都冇着，我唔會好似秋官咁着紅底。（李綺虹話你教佢發姣？）好多謝佢咁讚賞我，唔好話教，少少建議啫，等佢可以畀啲男士有幻想空間，不過現實中未試過有女性咁樣姣過我。」

李綺虹則想以加戲來報復天華，她說：「戲入面天華成日整蠱我，我都想叫監製加啲戲畀我大報復；戲入面我哋都有場熱吻戲，天華教我點樣可以做得姣啲，以前我拍親都係純情角色，依家做姣成日NG，我覺得天華個姣樣好過我。」

文：影視組