張崇基斥後輩欠基本功

張崇基和張崇德昨日到新城電台接受訪問，對傅穎走音事件熱爆全城，崇基坦言亦有留意，他說：「我諗冇一位歌手想喺台上出醜同走音，但時下歌手要多線發展。唔同我哋，我讀大學時就副修聲樂，但依家嘅歌手好多連發聲、音準嘅基本功都冇，所以平時最好曲不離口，練習多啲。」

而崇基和崇德將於4月12及13日在紅館舉行演唱會，對於門票銷售，他們坦言有點擔心：「依家市道唔好，加上我哋之前有草蜢，之後又有汪明荃，唔可以話夾擊，但都有壓力。」