趙碩之和Jocelyn昨日在尖沙咀中心出席復活節活動，並化身調酒師和牛奶妹，炮製雞尾酒及朱古力，其中趙碩之不但上下失守，調酒時更「失手」將酒倒瀉，認真烏龍！
穿上短裙的趙碩之和Jocelyn分別在台上表演調酒和揸牛奶，其後又一同擁着以蛋殼砌畫的小朋友合照，向來風騷的趙碩之蹲下時不小心上下失守，春光乍洩！她透露兩年前曾因示愛失敗而借酒澆愁：「我追個男仔，但佢最後揀咗我個朋友冇揀我，我好唔開心飲咗好多酒，又嘔又失儀！」而Jocelyn則謂最愛自製朱古力給老公品嘗，小時候又會與家人慶祝復活節：「細個嗰陣復活節媽咪會買隻賓尼兔擺喺我床邊，好開心！」
