張學友看着關楚耀（Kelvin）成長，對Kelvin在日本吸毒一事，學友沉默了一會說：「Kelvin話細唔細，話大唔大，冇乜人生經歷，做咗啲傻事，始終要承擔番後果，只擔心佢唔好影響得自己太多，人唔係得廿幾年，仲有好長嘅路要行，得咗個教訓希望佢聰明啲。」
- 這支結他和學友已相伴十年。
學友認為唱片公司給Kelvin機會與否不重要，最重要他給自己機會：「佢自己唔好放棄或者亂晒龍，要企起身，佢係男仔應該要去面對。（稍後佢會開記者會交代，有建議嗎？）佢要為自己負全責，咁多人關心佢，交代都好，但最重要係對自己、屋企人交代，加油啦！」學友不認識衞詩，也未曾見過面。
學友成為Hard Rock珍藏品系列首位華人巨星，昨日他公開贈予的結他及兩套演唱會服裝，他最捨不得這支陪伴他十年的結他：「我大部分寫嘅歌都係用呢支結他，第日得閒我會去睇吓。」為電影《月滿軒尼詩》拍通宵的學友漸感習慣，但因拍戲關係未能每日湊女兒返學，他笑說：「佢有叫我唔好開工。」