慈善基金：黃斑病寡母急需藥費

「搭巴士遠望又睇唔到個冧巴，返屋企睇電視又矇查查，真係咩都做唔到！」六十七歲的阿蓮早前突感左眼刺痛，視力漸見模糊，直覺急需接受治療。入院檢查後確診有關徵狀均由黃斑點水腫及視網膜病變引發，自此外出甚至日常生活皆備受影響。阿蓮形容，現時左眼持續出現約五元硬幣大小的堅實黑影，需近距離及依賴右眼才能清楚視物，「遠少少連人樣都睇唔清，好多時要單起隻右眼先知邊個打邊個！」

阿蓮又稱，丈夫與長子在過去十年先後不幸因心臟病及肺癌離世，自己耗盡積蓄救治家人，加上需不時照顧患有輕度智障的幼子，以致身心俱疲，「醫生話細仔出世嗰陣啲染色體已經有問題，衣食住行都要人全天候照顧，最慘依家我隻左眼病發又冇錢去醫，如果盲咗仲有邊個睇住佢？」阿蓮指近日視力明顯轉差，眼前影像亦日漸模糊，擔心病情繼續惡化或失去照顧兒子的能力，惟有四出「求救」。

三次注射治療 共33000元

香港眼科醫院發言人證實，病人左眼患有糖尿病視網膜病變及黃斑病水腫，醫生建議接受眼內注射「愛亮眼」以控制病情，每次注射費用為港幣一萬一千元，按病情共需注射三次。發言人又稱，倘病人未能接受有關治療，視力或會轉差，而注射治療的目的主要是穩定視力及減低致盲風險，並有可能需要在日後再次接受注射。

「依家只想隻眼唔好差落去，照顧到自己同個仔，等老公同大仔在天之靈都唔使擔心！」生活捉襟見肘的阿蓮並無積蓄，難以支付三萬多元治療費，故盼獲善長施援。

捐款編號：12700

記者：陳瑋珩