癌末婦惡化 求藥費續命
「試咗一隻標靶藥都冇效，依家有新藥，希望善長可以繼續幫吓我。」患上末期肺癌的楊淑嫻為家庭主婦，自病魔來襲後，不但令平靜生活頓起波瀾，更為無力支付藥費而陷入困境。經東方日報慈善基金呼籲下，先後為嫻姐籌得逾十二萬元，得以及時把握用藥機會。可惜嫻姐近月情況再度轉差，服用每月約六萬三千元的新藥成最後一線生機，亟待善長施援。
嫻姐與丈夫胼手胝足養大一對子女，子女剛屆自立之齡，卻不幸證實患上末期肺癌，先後接受電療及化療後仍無起色，使用昂貴自費標靶藥頓成最後續命機會。
對舊藥呈抗藥性
現年五十三歲的嫻姐早前在基金協助下，得以開展克唑替尼（Crizotinib）標靶藥物療程。
然而，近月經醫生檢查後，發現該藥對嫻姐失去療效，「醫生話我食咗一排有咗抗藥性，即係話呢隻藥對我已經冇作用。醫生話依家外國有新嘅標靶藥，希望可以試吓新藥幫到個病！」
自患病後，嫻姐直言更感生命可貴，更加珍惜每一日，除每日「小食多餐」及定時晨運散步外，亦會盡量保持身體有適當的運動量。服食標靶藥後，嫻姐直指感到精神較佳，呼吸亦「順暢啲」，為此深感欣慰。
月需6.3萬難負擔
不過，嫻姐指近月咳嗽增加，更消瘦八磅，為此深感不妙，當醫生告知最新的檢查情況後，樂觀的嫻姐仍未放棄，希望尋求續命良方。「希望有機會用到新嘅標靶藥，但係啲藥真係好貴，一般家庭邊度負擔得起，好希望善長可以繼續幫忙，等我仲有食藥嘅機會！」嫻姐坦言，從沒想到剛年過半百，人生就像即將走到盡頭，「自己又唔係好老，如果冇病，仲可以做嘢！而且仔女啱啱出身，我仲想睇到佢哋成家立室！」
屯門醫院發言人證實，病人早前曾接受克唑替尼（Crizotinib）標靶藥物治療，但最近的檢查結果顯示病人對克唑替尼沒有治療反應。外國有醫生會對克唑替尼沒有治療效果的癌症病人處方一隻最新研發之標靶藥物色瑞替尼（Ceritinib），惟此藥物在香港暫時仍未註冊，需由醫生向衞生署申請購入。該藥每月藥費約港幣六萬三千元。
捐款編號：12601
記者：徐少琴