好爸爸離世 孤寡徬徨求援

尹妻阿芬指，以往家庭收入主要靠五十六歲的阿華當相機售貨員維持，加上她在髮型屋任清潔工的收入，每月所賺雖然不多，但三口之家的生活尚可。阿芬更說：「個女之前去台灣讀大學，阿華都買咗部平板電腦作為禮物，等我哋可以成日傾吓偈。」在阿芬眼中，阿華是一個不折不扣的好丈夫。

好景不常，阿華去年一月因中風導致半身麻痹，令工作大受影響，「佢中風之後就只可喺舖頭行行企企，最後都唔好意思阻住人就辭咗職。」阿芬說，阿華於六月辭職後只能一直留家養病，因家居偏遠鄉村，幾乎無法獨自離家，「佢平時都係踩單車出入，中咗風之後佢連行出村口都有困難。」

失業令家庭經濟帶來巨變，阿華亦因難抵成為家庭負擔而逐漸萌生自殺念頭，曾被發現於附近公園自殺，最終因未能固定繩索，自殺不遂。

阿華入院檢查後發現頸部神經受損，原獲安排月內接受手術，未料卻成為阿華再度自尋短見的導火線，「醫生同我哋講個手術風險都大，可能佢擔心手術有問題就連自殺嘅力氣都冇，所以就……」每日因工作得早出晚歸的阿芬早前放工返抵家門，始發覺丈夫在毫無預兆下已踏上不歸之途。

正籌措女兒大學學費

阿芬指在台唸大學的女兒尚有一年才畢業，為令女兒不致中途輟學，收入有限的阿芬正設法為女兒籌措學費，對於東方日報慈善基金迅速撥款協助，阿芬亦致以無限感謝，「真係好多謝《東方日報》喺呢個咁困難嘅時候幫咗我哋！」

捐款編號：12486

賢叔盼獲電視解悶

「公仔箱」不但可為長者解悶，更是長者了解世界的渠道，「部電視都壞咗幾年，我哋就幾年都冇睇電視，惟有成日開住個收音機囉！」六十歲的黃國賢與年逾八旬的母親同靠綜援金維生，賢叔為節省開支，至今仍使用火水爐煮食，「用煤氣貴嘛，火水平好多，最多用嘅時候小心啲！」

賢叔年輕時曾於電鍍廠工作，疑因工作壓力太大而患上情緒病，被迫停工接受治療。其後雖已康復，但因年事已高致無法重投職場，只能靠綜援金維生。起居飲食已經用去絕大部分的綜援金，以致沒有辦法重置電視機，「希望善長可以慷慨解囊，幫我哋買部電視。」

捐款編號︰12498

記者：林松澧