榮叔求助藥費挽救視力
七旬長者梁憲榮勞碌一生，晚年不但周身病痛，雙眼先後受黃斑病變影響，左眼早前更不幸證實患上息肉狀脈絡膜血管病，僅餘兩成視力。醫生建議注射費用高達四萬八千元的自費針藥以挽回視力，靠綜援維生的榮叔坦言籌措無方。為讓榮叔能盡快接受治療，東方日報慈善基金已從「醫療專戶」撥款一萬三千元以支付首期療程費用，餘款則有賴善長施援。
「我已經打過幾針，使咗成兩萬蚊，啲錢係我個仔好辛苦咁籌返嚟，醫生依家又話要做一次激光再打針，仲邊有錢……」七十三歲的榮叔感慨兒子收入有限，孫兒又剛出生未幾，但兒子仍堅持為他的雙眼四處奔走籌措醫療費，令榮叔不敢言棄，節衣縮食省下一分一毫用以治療雙眼，「依家煮飯都貴，食下雜糧就算，今日買咗啲番薯，咁就食幾餐o架啦！」
黃斑病變情況惡化
榮叔指年輕時原與記者一樣「揸筆搵食」，當上會計文員算是不愁生計，未料中年卻得了怪病，無法控制右手做仔細動作，即使執筆寫字亦見困難，最終要改當銷售員四處奔走，「嗰陣醫咗好耐都唔知咩事，最後就話我係啲神經線退化冇得醫！」即使受病患影響，榮叔依然憑拚勁工作，收入總算足以餬口，未料福無重至，晚年卻患上冠心病，曾兩度「通波仔」檢回一命，年前又患上老年黃斑病變，近日更有惡化迹象，令榮叔唏噓不已。
左眼視力少於兩成
憶及患上眼病之初，榮叔指左眼只是經常眼紅紅，視力未見有特別問題，故一直未有理會，只要求醫生處方眼藥水紓緩眼紅徵狀了事。
及後看電視時不經意地遮蓋右眼，才發現眼前盡是朦朧一片，「嗰一刻已經知道大件事，平時睇嘢都係兩隻眼一齊睇，真係唔覺隻左眼有事！」榮叔雖已即時前往檢查，可惜已無法扭轉視力，只有無奈接受噩耗。
香港眼科醫院發言人證實，病人患有老年黃斑病變，右眼約有八成半視力，而左眼視力則少於兩成，近日更證實患有息肉狀脈絡膜血管病。醫生建議病人於左眼注射三次「樂明睛」及進行一次光動力療法，以穩定視力。兩項治療皆屬自費項目，每項治療費為一萬二千元，而病人日後亦有可能需要重複注射相關藥物。
捐款編號︰12462
記者：林永發