鋸樹工遺孀獲捐助殮葬費
【記者楊育輝報道】一名鋸樹工人前日工作時墮坡身亡，死者梁國橋是顧家好丈夫及爸爸，日做十多小時養家，雖因意外致長短腳行動不便，但仍堅持工作，未料再次發生意外，遺下妻子及三名子女，最小的女兒只有兩歲。梁家頓失經濟支柱，東方日報慈善基金即時從「無力殮葬」專戶撥款二萬元協助辦理後事，以解燃眉之急。
「佢好勤力、好錫屋企人，返工前後都會為個女烚奶樽、換尿片……」梁太憶述丈夫平日生活點滴即不禁聲淚俱下。兩人於○八年結婚，現育有兩歲女兒。
聖誕節一家才遊覽工展會
梁太指在剛過去的聖誕節，一家三口才遊覽工展會，「平時佢放假我哋就去行街，聖誕去咗工展會行，但以後都冇機會啦。」
梁太指丈夫平日早出晚歸，每天工作十多小時，薪金全用作家用，前年曾在工作中跌碎腳踝而變成長短腳，曾勸他不要再做危險工作，惟丈夫想賺多點錢幫補家用，「佢唔想我哋擔心，喺屋企都唔會講工作嘅嘢。」
阿橋與前妻育有兩名分別廿一及廿二歲的兒子，兩人有工作但月入僅數千元，並已搬走獨立生活。「我同阿哥搬咗出去住，但人工低，淨係夠自己用，阿爸就幫我哋畀租。」二子阿衡指父親是好爸爸，不時致電噓寒問暖，更說「有需要就搵我！」阿衡表示，將會與哥哥一起搬回與繼母及嫲嫲同住，以便互相照應，並感激基金撥款協助。
捐款編號：12212