■記者　莫麗珊

不煙不酒的嬌姐一直持家有道，除相夫教子外，還需照顧長期病患的家姑，平日每有餘暇更會到食肆兼職幫補家計，「屋企得老公一個人搵錢好辛苦，我做晒家務、唔使煮飯啲『卡罅』時間，咪去做吓兼職賺番啲幫補囉！」前年年底，嬌姐久咳未愈，經檢查後竟證實患上肺癌，「我以為聞唔慣食客啲煙味所以咳，點知一照就話係肺癌……」

每月需費萬三元

嬌姐坦言對患癌消息難以接受，不忍與家人從此永別，不惜耗盡畢生積蓄接受化療，惟病情未見受控，最近醫生建議接受每月需費逾一萬三千元的標靶治療，嬌姐因無力負擔轉向中醫求診，卻換來又一次失望，「食咗中藥一段時間，點知（癌細胞）仲係擴散緊！」

囿於經濟，嬌姐無力購買「貴藥」，每天只能忍痛過活，一旦痛楚難抵，則服用止痛藥物，「最弊依家食止痛藥都冇乜效，食咗仲會頭痛同埋口渴、心口又會頂住頂住咁，好辛苦！」

伊利沙伯醫院發言人證實嬌姐罹患肺癌，且不能以外科手術治理，鑑於病情已告惡化，醫生建議使用Gefitinib作標靶治療，每月藥費約為一萬三千五百元。

捐款編號：11842

林伯苦無力換電視煤氣爐

林明已屆耄耋之年，年輕時曾以海員為業，長年過着漂泊不定的生活，因而患上多種慢性疾病，退休後因無所靠需以綜援維生。礙於行動不便，林伯平日多賦閒在家收看電視節目，尤其鍾愛新聞報道，以時刻了解社會脈搏不致脫節。已有十多年機齡的電視機早前突然變得「冇聲冇畫」，林伯囿於經濟無力重置，希望透過東方日報慈善基金呼籲，能獲善長伸出援手。

「之前已經有啲燶味，因為換部電視要好多錢，惟有睇住佢壞啦！」林伯望着滿布「雪花」的電視機感慨地說。自電視失靈後，林伯坦言大有度日如年之感，「睇報紙都唔可以成日睇，落街又唔方便，日日喺屋企都唔知做乜好！」

福無重至，除電視機外，十多年前由友人送贈的煤氣煮食爐亦出問題，其中一個爐頭的金屬圈已被燒穿，「係就係仲有一邊用，但我驚危險已經冇再用！」對於生活必需品接連損毀，林伯大感無奈的同時，亦無力解困。

捐款編號：11826