「醫生話我得番半年命嗰陣，個腦真係一片空白，差啲仲暈低……」剛滿六十歲的盧創日前滿懷希望前往覆診，未料竟換來無法接受的事實；一直鼓勵丈夫抗癌的盧太亦擔心至終日以淚洗面，「建仔仲咁細，我唔想佢咁細個就冇咗爸爸！」

建仔今年雖然只有十二歲，但生性孝順，亦深明家境欠佳，過去從未要求購買玩具，得悉父親病重後，更自願將零用錢全數留給父親購買中藥調理身體，乖巧性格深得父母疼愛。

建仔對返學鞋已着五年

盧太坦言，為節省開支，早已「慳冇可慳」，故建仔五年來均穿着同一雙皮鞋上學，「對鞋係升小一嗰陣買嘅，諗住細路仔嘅腳快大，特登買大咗幾個碼，點知前幾日先見佢啲腳趾又腫又損，原來對鞋已經頂腳，個仔擔心屋企冇錢，所以唔敢出聲。」傷在兒身，痛在父母心，東湊西拼下終為愛兒添了一雙平價鞋。

「醫生話新化療藥係唯一嘅希望，可以控制到個病，已經冇其他辦法！」盧創自患病後無法工作，妻子來港又未及七年，三口之家只能靠盧創與建仔二人的綜援金維生。過去兩年，盧創在東方日報慈善基金協助下，以四十多萬元善款購買自費藥物續命，在病況再度轉危之際，盧創能否打破僅餘半年壽命的宿命，有賴善長再次施援。

捐款編號：11421

王明光遺屬衷心謝濟急

五十八歲的小巴司機王明光為家中經濟支柱，早前因心臟病發猝死，家人傷心欲絕之餘，更為殮葬費而大為徬徨。東方日報慈善基金了解情況後，已從「無力殮葬」專戶撥款一萬八千元，直接向殯儀公司支付有關殮葬費用，王太對基金及時施援手致以衷心謝意。

王太任職安老院護理員，與丈夫育有一子一女，長女正就讀大學二年級，幼子則修讀毅進課程，為應付子女學費，夫婦二人靠「公一份、婆一份」亦僅可維持家計，鮮有積蓄。

王太憶述，丈夫出事當日她剛巧休假，正擬購備餸菜為丈夫做一桌豐富晚膳，未料晚飯不成竟成永訣。「嗰日我特別煮咗佢鍾意食嘅餸，仲想打電話叫佢早啲返屋企食飯，點知電話冇人聽，原來已經出咗事……」王太哽咽道。

捐款編號：11812

■記者　黃詩雅