「食幾多餸都係覺得肚空空，一定要食飯至飽肚！」七十五歲的歐伯自言是「飯桶」一名，每餐必須要「有米落肚」才有實實在在的飽肚感覺。

歐伯年輕時任職工廠雜工，工廠北移後便轉職看更，直至退休才改靠綜援過活。為了食得健康，歐伯一直自理三餐，鮮有外出用膳，「我好鍾意食飯，一餐最少食成碗半（飯），仲會食吓菜同魚，簡簡單單就最健康，外面食嘢好貴，又多油、多鹽，唔啱我哋啲老人家。」

「多謝善長關心」

自從每月獲贈白米後，歐伯坦言紓緩不少經濟壓力，「一包米食唔夠半個月就冇晒，好彩每月有米派，幫輕咗唔少，真係好多謝啲善長咁關心我哋啲老人家！」

七十八歲的馮金玉患有血壓高、心臟不適等毛病，每餐均會盡量「少鹽」，但與不少長者一樣，馮婆婆亦對米飯情有獨鍾，並認同「有粒米落肚至舒服」的感覺，「我最鍾意食飯，平時好少食粉麵、餅乾嗰啲雜糧，總之餐餐都要食飯。」馮婆婆靠綜援維生，每月開支需量入為出，「我做到七十五歲先退休，有得做都想繼續做，但咁老冇人請。依家每月有米派，老人家慳到幾十蚊就係幾十蚊！」

捐款編號：16333

杜伯盼資助電視機解悶

望着已拔掉的電視天線插頭，杜華渴望可以重新接駁電視機，重拾生活樂趣。「退咗休冇嘢做，好多時都係靠睇電視打發時間，依家冇得睇，啲日子真係好難過！」杜伯十多年前購置的電視機早前突然損壞，令唯一娛樂亦失去，生活變得苦悶。

現年七十四歲的杜伯，年輕時曾任職酒樓侍應及紡紗廠工人，收入尚可餬口，但難有積蓄。杜伯近年因不良於行被迫退休，需改領綜援維生，生活全仗電視節目打發，「我最鍾意睇新聞，可以知道出面發生咩事，唔使同社會脫節！」可惜，使用多年的電視機早前因失靈報銷，杜伯需靠報紙及收音機接收外界資訊，「買報紙要錢，部收音機又殘又舊，成日都沙沙聲，都係睇電視開心好多！」杜伯小小心願能否達成，有賴善長慷慨解囊捐款協助。

捐款編號：１１７５９

■記者 莫麗珊