兩年前喪夫 後失子

兩年前，冼婆婆的丈夫因中風病逝，喪夫的陰霾好不容易隨着時間流逝而消散，未料兒子卻突然猝死，令婆婆再嘗切膚之痛。婆婆憶述，四十四歲的阿良體格一向強健，日前突然心臟病發，送院搶救途中，阿良已向友人千叮萬囑切勿通知母親，免令老人家掛心。

可惜，阿良送抵醫院時情況已不樂觀，除全身發紫外，更已陷入昏迷狀態，在深切治療部搶救至凌晨終告不治。「嗰朝阿良臨出門口，仲話『我六點鐘返』，估唔到唔單止返唔到嚟，仲變埋遺言！」婆婆傷心地說。

阿良生前任職倉務員，靠約八千元薪金養育兩名與前妻所生、分別十四及十五歲的兒子。冼婆婆坦言，阿良向來侍母至孝，「佢得閒就同我飲茶，仲話要畀啲好嘅生活我過。」惜心願未了，阿良便與世長辭，冼婆婆與兩孫兒相依為命，祖孫兩代頓失依靠。

「阿爸乜都顧住我」

「我會更努力讀書，唔會令嫲嫲擔心。」上學年考獲全班第十一的阿澤生性自律，父母雖早已離異，但與父親感情卻特別要好，「阿爸乜嘢都會顧住我先，好似之前我打波整親腳，阿爸會即刻請假陪我去睇醫生……」可惜，父子緣只有短短十五年，由慈父撒手人寰的一刻開始，備受護蔭的阿澤亦在瞬間成長。

家逢劇變，冼婆婆承受喪子之痛的同時，亦為籌措殮葬費與日後生活而徬徨無助。東方日報慈善基金了解情況後，已從無力殮葬專戶撥款二萬元，直接向殯儀公司支付阿良之殮葬費，為冼婆婆解決燃眉之急。

捐款編號：１１７２３

電視失靈李伯愁對四面牆

「屋企冇咗部電視都三年！以前嗰部都係人哋送嘅，都用咗成十幾年喇。」七十七歲的李才現靠綜援維生，自電視機損壞後，一直無力重新添置，每日惟有倚窗遠眺，觀看人生百態，藉以打發時間。

孑然一身的李伯生活刻板，與一般獨居長者無異，沒有選擇下只能與電視結成知己，惟家中電視機於三年前突然變得無聲無畫後，李伯的生活便失去色彩，「雖然好多餐廳都有電視，但要專登出街食至有得睇，好嘥錢。企喺影視店門口又淨係播電影，想睇新聞都冇。」

失去唯一知己的漫長日子，李伯每天只能在屋邨公園消磨時間，「屋企冇電視、又冇收音機，一個人對住四幅牆，真係唔知做乜好。」對於現代社會各家自掃門前雪的睦鄰關係，李伯深表惋惜，「以前住七層（大廈），打開門就可以同隔籬鄰舍傾偈，搬咗嚟呢度幾年，連隔籬屋姓咩都唔知。」李伯僅希望能獲贈電視機，重過「有聲有畫」的生活。

捐款編號：7483

■記者　黃詩雅