記者 莫麗珊
現年九歲的慶仔，甫出生便證實患上心臟病，因父為本港居民，在醫院管理局實施非本港居民收費政策前，慶仔得以在港接受前期心臟手術保命。惟自收費政策實施後，便因慶父無法籌得四十萬元手術費，令慶仔無法完成餘下的心臟矯正手術，被迫孭着心臟「炸彈」度日。
嘴唇發紫 行路氣喘
慶母憶述，慶仔在港完成幼稚園課程後，便返回內地升讀小一，但讀書生涯卻因身體狀況變差而被迫終止，「老師見慶仔個嘴唇成日發紫，行多兩步又喘氣，知道咗佢有病唔可以做劇烈運動，驚佢喺學校出事，所以唔畀佢返學。」輟學後的慶仔終日無所事事，每日都希望可重回校園。
今年四月，慶母獲內地親友告知，汕尾一所學校願意取錄慶仔入學可惜快樂的校園生活僅維持一個星期，「佢好叻仔，讀咗一個星期就識背九因歌，點知後尾老師知道佢有心臟病，又話驚佢有危險，跟住就冇得再返……」再被學校「遺棄」的慶仔悶悶不樂地說：「我好想返學，喺嗰度（學校）好開心，老師教識我好多嘢，仲學識煮飯。」
慶父早年從事木工，收入僅足餬口，難有積蓄，退休後更需依靠綜援維生，日常生活亦要「死慳死抵」，「慶仔仲未批（單程證）到落嚟，要定時返去續期，一上一落啲『水腳』都係錢！」沒有人知道慶仔身上的「炸彈」何時出事，無法為兒子改變命運的李氏夫婦坦言只能「聽天由命」。小朋友的命運或因你伸出援手而改變，請慷慨解囊，協助慶仔解除猝死危機。
捐款編號：11222
婆婆盼獲電視解寂寥
九十歲的鍾陳好辛勞大半生，與丈夫膝下猶虛，自丈夫廿多年前離世後，便過着孤苦無依的生活，追看電視劇和新聞遂成每日最佳的寄託與娛樂。未料相伴多年的電視機早前突然失靈，令婆婆的生活悵然若失。
鍾婆婆年輕時曾當織造廠女工，與任職清潔的丈夫靠雙手努力賺取生活。儘管織造廠收入有限，但鍾婆婆憑着一雙靈巧的手製成無數毛織品，至今仍令婆婆大感自豪，「喺織造廠做咗卅幾年，打線仔、羊毛同絲都好叻！不過依家做唔到囉，對手都變晒形，想做都唔得。」
出身清貧之家的婆婆從未接受教育，自電視機失靈後，只能靠聽收音機接受資訊，「收音機點都比唔上電視，電視機有畫面，可以睇到發生咩事，又可以睇電視劇，冇咁悶！」患高血壓及關節炎的鍾婆婆，三年前不慎跌倒受傷後便不良於行，平日除外出購買餸菜外，便鮮有外出，小小的電視機亦成為婆婆生活的唯一寄託。
捐款編號：4278