喺香港鍾意睇賽車嘅人唔少，之不過想親身觀賞汽車喺賽道上高速飛馳就唔係咁容易，唔似得日本人咁幸福可以成日都欣賞到賽車，同時可以欣賞到好多賽車女郎，而澤堇就係車女界嘅新貴喇！
日本嘅賽車女郎界同寫真界可以話息息相關，事關有好多賽車女郎投身寫真界，好似近期人氣高企嘅G奶美人忍野沙羅同林由美，亦有好多寫真女郎會客串做車女，好似最近加入賽車女郎團體「MFG天使」嘅高橋凜等。提到「MFG天使」，今日同大家見面嘅澤堇亦係設團體其中一員，而佢嘅吸引力絕對不比身懷極品G奶嘅高橋凜低！
今年24歲嘅澤堇美貌秀麗迷人，雖然雙眼唔大卻又燦若星辰，笑起上嚟更帶傾城之美兼風騷媚態，單係個樣已經迷倒麻甩佬。阿妹仲身材高挑，有5呎6吋之外，上圍對E奶亦斤両十足，體態美真係頂呱呱！
澤堇喺2017年開始做賽車女郎，當時所屬團體係「DIREZZA Cheers」，佢喺賽車女郎界可以話成名極快，一來佢身材高挑誘人，成日着到酥胸半露性感迷人，二來澤堇素有微笑女王稱號，經常展露出燦爛又風騷嘅笑容，想大家唔留意佢都幾難啦！
及後，澤堇做車女嘅同時亦漸漸向寫真界發展，上年就喺選美活動「寫真日本大獎」中奪得新人獎。家陣佢除咗活躍於賽車壇同寫真界外，亦以學徒身份演出電視節目《一夜奉上》，可以話係多棲發展，不過作為男人就梗係想澤堇專心拍多啲性感寫真啦！
簡介：澤堇近期都係出任賽車女郎為主，喺佢嘅社交網中可以睇到好多現身賽車場嘅寫真，想知道阿妹最近又去到邊個賽事演出嘅話，可以Click上去睇睇。
網址：https://twitter.com/sumiresour?lang=ja
年齡：24歲
身高：5呎6吋
三圍：34E-24-35
撰文：賢