女友嘅閨蜜總會令人有遐想，而呢位男網友嘅同居女友有位樣貌同身材都唔錯嘅閨蜜，但卻係一個拜金主義者，因而對佢印象唔好。早前閨蜜又嚟屋企食飯，當女友走去洗碗，對方突然伸手摸佢大髀！男網友話：「我咪即刻縮開囉，佢問我對佢有乜嘢感覺？我點知佢係咪同女友串通，咪直接同佢講話冇感覺，佢竟然爆喊走咗。我幾驚佢屈我搞佢，點知女友竟淡定話，睇嚟佢應該失戀。有個咁嘅閨蜜，我真係好驚囉！」
笑臉迎刃：好彩你女友知道閨蜜嘅性格咋，否則佢屈你摸佢，真係乜水都洗唔清。不過呢個計時炸彈一日喺你女友身邊，你一日都要提心吊膽。
somewhere：你都幾清醒o架喎，又會懷疑到佢會同你女友串通，唔通呢次唔係第一次？不過你下次會唔會咁好彩，就真係唔知喇。
Wicky9012：其實我覺得你女友個閨蜜之所以咁神化，佢應該係覺得你搶咗佢個朋友，先至會成日喺度做電燈膽，難得你女友又唔介意佢成日上嚟，你真係好福氣喎。
沒有雪過點說藏：淨係拜金兩個字，就已經對佢零興趣啦！呢種女就就算送埋身都唔想要，除非我真係好有錢，唔介意養多佢一個啦！
撰文：魂