男人可以話係哺乳類動物嘅代表，皆因冇邊個男人唔會被巨乳吸引，好似泰國有個髮廊廣告，以一眾激凸女模令男士們產生遐想，好想即刻去恤番個髮。不過講到吸引，又點及得上天木純化身成為巨乳筋肉人咁養眼呢！
日本動漫《筋肉人》自上世紀80年代開始連載至今，為慶祝40周年，與位於新宿嘅「週Pre酒館」（週プレ酒場）合作舉行慶祝活動，不但將酒館改名做「筋肉人酒館」（キン肉マン酒場），更喺店內擺放筋肉人相關海報同商品，仲搵嚟擁有37I豪乳嘅人氣寫真女優天木純化身乳量十足嘅酒館PR大使。純妹今次做得大使，梗係要嚟個筋肉人Cosplay啦，而佢嘅造型真係超性感，豪乳加美腿極之搶鏡，索到爆呀！至於活動日期由即日起至明年1月29日為止，有興趣可以去睇睇，之但係能唔能夠見到天木純，就要睇彩數啦！
提起髮廊，對於有「色」之士嚟講一定會諗起北上髮廊搵女嘅日子，而當大家睇到呢個泰國髮廊廣告，千祈唔好將兩者混為一談。既然係咁，點解呢輯廣告相會咁香艷，有一班胸前激凸兼着得超性感嘅女髮型師，為男顧客提供胸貼面嘅服務呢？話說呢間名為「Happy Cut」嘅髮廊，搵嚟廣告公司「LoopLight Gallery」拍咗輯廣告，為咗帶出與別不同嘅效果，特意搵嚟一班身材火辣嘅模特兒化身性感髮型師，務求拍出新風格，但係佢同時聲明廣告純粹係拍攝效果，所以喺現實中唔會有呢班索爆女髮型師為客人剪髮，絕對係一間正經嘅髮廊嚟o架！
男人總係好奇究竟女人會唔會自娛呢？最近英國育兒網站Netmums討論區內，就有人問咗呢個問題，呢位網民自稱有正常性生活，但每個星期仍會自娛兩次。呢個問題一出，估唔到引嚟大量女網民回應，當中更有唔少女士表示同樣有自娛習慣，比率更係相當高，有女網民表示自己每個星期自娛約3次至5次，另外有自稱三孩之母嘅女士認為，自娛係一種緩解睡眠問題嘅好方法，並有助紓緩緊張嘅情緒，甚至有女網民回應指自己每星期自娛幾次之餘，有時更會喺伴侶幫助下自娛到達高潮。另外，又有女網民表示平時甚少自娛，但係喺排卵期期間就會特別有需要，每日會自娛兩至三次。
撰文：魂