同居男女最常遇到嘅問題就係生活習慣嘅差異，好似呢位男網民就與同居女友出現衞生上嘅問題，佢發現每次啪啪啪完之後，女友都好抗拒沖涼。佢話：「以前同女友去時鐘酒店爆房，佢唔沖涼就瞓，我唔怪佢，但係依家同居我就接受唔到囉！唔明女友點解咁污糟邋遢，我有叫佢起身去沖乾淨涼後先至瞓，佢最初都肯聽我講，但後嚟就話眼瞓好攰唔想沖涼，最近佢更明言，如果一定要逼佢沖涼嘅話，情願以後唔做，點算好呀？」
罕見優胃：你又係嘅，以前去爆房時又唔見你要求做完即沖涼，家陣住埋一齊又嫌棄人哋，唔怪之得人哋唔鍾意啦！
AsheLYY：男人就係咁麻煩，又要住埋一齊又要人哋跟你規矩，咁不如唔好做啦！畀我嘅話唔單止唔同你啪啪啪，就連同居都唔願呀！
一身風流：你接受唔到，唔通你女友身體真係有異味？如果係咁嘅話，不妨噴吓啲空氣清新劑，應該有幫助。
排隊大少爺：如果怕有異味，噴香水搞掂佢啦，無謂因為咁而搞到冇得啪啪啪，你話幾咁無癮呢！唔鍾意噴香水都得，索性喺廁所度做，做完佢冇得唔沖涼喇啩。
撰文：魂