愛得火熱嘅男女，突然要長距離分隔，當然會擔心感情變淡。為咗維繫感情，有人會不惜遠渡重洋去相聚，當然唔少得啪啪啪啦！不過呢位男網民分享嘅超瘋狂色慾短假期，卻好似太過忙碌囉！男網民指呢件事發生喺5年前，當時女友因為要到美國讀書，兩人只好用手機短訊聯絡，有次佢去美國探對方，事先張揚畀女方知佢想有個色慾旅程，女方亦答應。當日上午一落機，兩人就去酒店啪啪啪，跟住租車四圍去，中途又嚟個車震，跟住睇完景點後，拿拿臨返酒店再嚟番次，而晚飯之後返酒店又嚟多次，完事後去食消夜，食完返酒店再嚟，跟住沖完涼又嚟、半夜又嚟、天光又嚟、食完早餐又嚟，食午飯前再嚟多次……佢話：「頭嗰24小時係最瘋狂，計落做咗11次左右，總之呢個5日4夜嘅假期，我用咗兩盒套套，女友都話好瘋狂，家陣佢已經做咗我老婆，真係返唔到以前咁做得嘅日子喇！」
成日畀人窒：嘩！好爆呀！你呢個假期真係超瘋狂！其實你頭24小時冇變成人乾，已經係超人體質！11次呀！你一定係好耐冇發洩，先至可以儲到咁多彈藥，真係辛苦你喇。
KonHeart：做到咁辛苦為乜嘢呢？真係替你女友辛苦囉。如果佢唔係愛你嘅話，點會同你一齊癲呀？因為女人同男人唔同，做呢樣嘢係講氣氛同心情，搞到好似配種咁，為乜呢？
情場如商場：老實講，你嘅假期應該對很多男士嚟講唔能夠複製，因為問題不在於個人嘅體能，而係要有個願意跟你一齊瘋狂嘅女友，呢啲機會唔係人人都有。
無力扣殺：你咁都算瘋狂？我年輕嘅時候比你更激呀！一日24小時不停係咁做做做，之但係當年女友冇耐就飛咗我，話我個人太過膚淺同唔體貼喎。
撰文：魂