男人日常底褲嘅款式，不外乎孖煙囱、三角褲同平腳貼身底褲呢三種，唔知各位男士有冇諗過，原來偶爾換吓底褲款式，竟然會引起女伴嘅慾火呢？有位女網民喺網上分享稱，佢同居男友平日最愛着孖煙囱喺屋企周圍走，點知有日換咗條T-Back，搞到佢心如鹿撞慾火急升！佢話：「問男友條T-Back喺邊度買，佢笑笑口話喺網上購買，由於非常有新鮮感，令我心跳加速，再望吓佢個Pat Pat，好性感呀！而男友知道我諗乜，笑吟吟走埋嚟問我想唔想要，我即刻答佢：『想！』之後，我買咗幾條T-Back畀佢，叫佢着畀我睇，每次睇到我不知幾咁興奮。唔知我呢種反應係咪好鹹濕呢？相反，我穿着T-Back時，男友冇乜特別反應，真係奇怪。」
網友回應：
COM知：其實有乜嘢鹹唔鹹濕吖，最重要係你鍾意而你男友又願意。話時話，好彩你冇叫男友平日着T-Back出街咋，睇怕佢未必肯制。因為T-Back呢樣嘢真係唔係咁舒服，玩吓就得，長時間着真係咪搞。
Tiffany C：我唔覺得你鹹濕，反而好有情趣呢。其實我都好喜歡睇男人着T-Back，可惜我男朋友係個肥仔，同時亦冇你男友咁有情趣，願意玩新意思嚟調情。如果可以的話，我都想男友用T-Back嚟刺激我眼睛。
最愛是睡：男人睇女人着T-Back又唔一定有反應嘅，最重要係咪着得好睇啫，呢點你一啲都唔使介懷喎。反而係你男友真係暖男，竟然咁有情趣諗啲咁嘅嘢，抵讚。
長春自有長春男：男人老狗着乜嘢T-Back呀！真係變態！如果我條女叫我咁着，我一定唔會睬佢呀！當然你哋咁鍾意呢家嘢，我都無謂多講，因為我真係幾羨慕你哋嘅關係囉！
撰文：魂