少小離家老大回，鄉音難改鬢毛衰，好多人為咗搵食離鄉別井去到外地打工，經過好些年之後，年紀漸大往往都會想起多年不見嘅親人，最近資深AV女優持田茜就進行咗一次尋親記喇。今年34歲嘅持田茜喺2004年開始拍AV，身材唔突出，但係以上乘演技同重口味演出吸引大家嘅注目。持田茜拍AV同時亦場積極參與粉紅電影演出，2010年演出嘅《うたかたの日》便奪得粉紅電影大獎嘅十佳作品一等獎。
早前持田茜同電視節目合作尋親，事緣茜妹透露自己年輕時性格反叛，喺20歲嘅時候從家鄉島根縣去到東京一心諗住做藝人，後來做咗AV女優，屋企人知道之後同佢嘅關係更加疏離，而茜妹亦好多年都冇返過屋企，甚至同家人失去聯絡。喺節目中，持田茜喺工作人員幫助同鼓勵之下進行尋親之旅，當佢同多年不見嘅媽媽見面嘅時候，得知嫲嫲同父親已經仙遊，妹妹亦已結婚產子，嗰一刻令茜妹不禁落淚，媽媽見到咁嘅情況亦放下芥蒂，兩母女有傾有講。後來，持田茜仲得到家人嘅原諒同接納，將佢嘅電話加入家族Line群組，總算有個大團圓結局。茜妹表示依然渴望成為知名演員，所以會繼續喺AV界發展，在此祝佢好運啦！
撰文：賢