搶到搶唔到，唔係睇彩數，而係睇你對Kanye West有幾忠心！「潮神」過往推出嘅YEEZY衫褲鞋襪炒到天價係理所當然嘅事，皆因佢嘅打扮係全球潮人模仿對象。早前Kanye West擔任Pornhub頒獎典禮嘅創意總監，除咗為大會主持人設計服裝及獎座呢啲基本嘢外，作為潮神子民點可以冇嘢揸手呢？所以Kanye West以YEEZY之名與Pornhub聯手推出一系列脫星抽象圖衞衣，脫星包括Abella Danger、Mia Malkova、Riley Reid、Lena Paul以及Kendra Sunderland，真係「件件」都起晒朵，而呢5位脫星喺頒獎禮上都有攞獎，更具紀念價值！講到咁吸引，應該一推出就賣晒啦！咁你就錯，截稿前喺Pornhub官方網站依然見到有齊色齊碼衞衣任君選擇，每件盛惠75美元（約585港元）。究竟係網民唔識貨？定係脫星未夠班？還是潮神號召力唔夠，影響唔到一班淫民嘅購買意欲呢？