講起萌呢個字，大家都會諗起日本可愛美少女，原來有位俄妹Cosplayer不但夠萌，仲經常嚟個18禁Cosplay演出，吸睛度爆晒燈。另外，有位日本女性漫畫家喺網上問及關於男士小便習慣嘅問題，居然引嚟大量網民回應，真係估佢唔到呀！
每次提起性感又夠萌嘅Cosplayer，唔少人都認為係日本美少女嘅專利。其實喺外國都有唔少又萌又有身材兼性感誘人嘅Cosplayer，好似來自俄羅斯嘅Alisa Bishop就係其中一位喇。
Alisa Bishop嘅外表，會以為佢未夠18歲，查實呢位喺1992年6月28日出生嘅萌爆Cosplayer，年紀已經夠晒秤。正因為佢超萌嘅外形，加上精緻嘅五官，當佢Cosplay日本動漫女角色嘅嘅時候，輕易令人有心動嘅感覺。不過講到最令人驚喜嘅地方，就係佢一啲都唔介意Cosplay露肉度極高嘅角色，經常以露點嘅18禁造型示人，並且以藝名「Rocksy Light」之名，大方地喺個人Facebook、Instagram同Twitter上發放鼻血級福利。翻查資料發現，原來佢早喺2011年就開始Cosplay活動，憑住迷人嘅樣貌喺網上獲得相當高嘅人氣，2015年更聯同其他俄國美少女Cosplayer，喺網上分享性感相片添！
各位男士企喺度小便時，究竟係會除咗條褲定拉開褲鏈進行呢？呢個咁無聊嘅問題，其實係出自日本東京嘅女漫畫家Bino（ビーノ）。佢早前喺Twitter上發問一個困惑咗佢好耐嘅問題，就係男士企喺度小便時，係點樣面對尿兜呢？為咗分享呢個疑惑，佢以四格漫畫方式，並且以番薯嚟代表兵器，畫咗4個佢所認識嘅方法：（1）唔使除褲，只拉開褲鏈進行；（2）唔除外褲，只拉開褲鏈及拉低內褲進行；（3）除低外褲，保留開口Boxer嚟進行；（4）除晒外褲同內褲灑脫地進行。
此外，更進行網上投票，睇吓最多男士用邊種方法。然而，估唔到呢個對女士感到困惑，卻對男士嚟講相當無聊嘅問題，竟然引嚟熱烈討論，有男士甚至提出第5種方法，就係從短褲嘅褲腳下進行，當然呢個係講笑啦！結果有33,828人投票，而最多男士揀選嘅方法係（1），佔整體投票率百分之三十八，其次係有百分之三十五會使用方法（2），第3位係有百分之二十四嘅日本男士選用方法（4），最後先至係方法（3），僅得百分之三嘅男士選用。
性慾嘅嘢真係話嚟就嚟，但係有性需要時卻冇對手，惟有靠自己隻手。對女士嚟講，點樣可以喺自娛嘅時候令高潮延長呢？有性用品零售商進行研究發現，若然使用性玩具幫手嘅話，可以有效令高潮延長。呢個由英國性用品零售商Lovehoney聯同神經科學家Nicole Prause博士進行嘅研究，發現如果女性透過手部動作自娛嘅話，高潮可以維持19.9秒，若然使用情趣震棒嘅話，高潮便會長達23.3秒，而呢個數字足足比手部動作長咗百分之十七嘅時間。
此外，研究亦發現如果女士靠手部動作自娛，平均需要6.5分鐘到達高潮，若然使用情趣震棒嘅話，達至高潮嘅時間便會大幅延長至26.4分鐘。可能有人認為快啲到達高潮唔好咩？性學專家表示，自娛時間更長嘅話，可以令女性更廣泛地感受到快感，同時亦能更深入地探索自己嘅性慾。之所以能夠延長高潮嘅原因，Nicole Prause博士認為係因為女性喺使用性玩具嘅過程中，會產生想要玩樂、探索自己身體同享受新玩具嘅感覺，因而導致佢哋獲得更長達到高潮嘅時間，以及享受到更長嘅高潮快感。
撰文：魂