喺鏡頭面前，好多人嘅真面目都會表露無遺，好似小弟咁，平日說話口若縣河，但係面對鏡頭時就會口窒窒兼大腦一片空白，大家亦可以從好多寫真集當中，睇到好多美人兒平常唔會顯露出嚟嘅一面，好似人氣蘿莉妹金子理江咁，喺最新嘅寫真集表現出從來冇人見過嘅一面。
20歲嘅金子理江屬於日本寫真集界當中，相當少見嘅混血兒女優，其父親係韓國人，母親就係西班牙與菲律賓混血兒，血統甚是複雜，難怪理江可愛得嚟氣質如此獨特喇！至於身材方面，更係火辣誘人，肌膚白滑剔透，令E Cup上圍更加養眼，絕對係近年吸引力最高嘅童顏巨乳妹之一。
喺今次呢本寫真集《ambiguous》當中，理江去到第二故鄉菲律賓宿霧，尋找自己曾經住過嘅屋企以及去過嘅地方，跟大家一同尋回童年記憶，而理江亦表現得天真又奔放，仲有少少做地頭蟲嘅囂張。另外，喺攝影師嘅巧妙安排之下，寫真集會呈現出紅白黑灰藍五色元素，同時理江又會以病態、妖媚等秘密面孔及扮相演出，令寫真集嘅色彩同內容都相當豐富，值得一再細意回味。
撰文：賢