爆乳妖精女王

雖然日本人氣漫畫《FAIRY TAIL魔導少年》喺去年已經完結，但當中嘅角色仍相當有人氣，講到當中最令人留下深刻印象嘅，卻要數憑住一對巨乳及超強戰鬥力嘅「妖精女王」艾爾莎‧史卡雷特啦！

今次最新登場嘅模型，更係出自日本模型界中擅長雕琢女性肌肉美及誘人身材嘅原型師白髮隆行之手，因此艾爾莎嘅新作更值得期待。白髮隆行嘅雕功真係無得彈，事關呢個最新登場嘅模型，不但展現出美艷排名第一嘅「妖精女王」魅力，更充分展現火辣身材。身穿吊帶小背心嘅艾爾莎，嗰對豪乳固然極為養眼，尤其係露出度極高嘅半球，極具吸睛度。模型極富動感，嗰對因移動中而導致邊高邊低嘅車頭燈，亦令人產生一種乳搖嘅錯覺，加上飛釘嘅效果，絕對係夠晒誘人！

此外，從後面睇嘅話，仲會半露美股，試問呢種養眼度叫人點忍？不過由於模型帶有極濃白髮隆行嘅風格，如果追求樣貌有極高還原度嘅話，呢個模型卻未必啱心水。