美國情慾小說嘅主題雖然有好多，但係講到最受歡迎嘅主題，非愛情莫屬。因為咁嘅緣故，要喺當中突圍而出，冇一定實力嘅話難以做到，而情慾小說家伊莉莎白‧荷特嘅《暗夜約契》，絕對係佳作。故事講述男主角凱羅爾男爵不但係一位上流社會人士，更係著名嘅花花公子。有日佢收到情婦被殺嘅消息，於是決定前往英國倫敦著名嘅罪惡城聖吉爾斯區緝兇。不過習慣上流生活嘅佢，從未去過呢啲地方，更遑論搵兇手，好彩遇上寡婦碧倫絲‧迪露，佢因為繼承父親嘅遺志，同弟弟一齊營運位於罪惡城內一間孤兒院，而面對孤兒院經濟困境，急需要更多資金。喺兩人相遇嗰晚，凱羅爾要求碧倫絲做佢嘅嚮導，同時應承對方出錢資助孤兒院。本嚟呢個協議相當簡單，但係當兩人相處日久，碧倫絲慢慢被凱羅爾吸引，而對方亦為自己動心，一場情慾風暴就此一觸即發。