嘢唔可以亂食，手機都咪亂用，免得被人笑到要搵窿捐呀！最近有部新手機發布，功能強勁，但假如親朋好友詢問閣下用乜嘢型號手機，你話一時口快快噏錯或對方聽唔清楚，都咪話唔尷尬。好似細佬呢啲經常出入夜場，隨時要用手機嚟「抄牌」兼幫囡囡影相，手機點可以落後於人呢？不過呢部手機再勁都唔係人人啱用！你可以笑細佬膚淺冇文化，但早前手揸前兩代手機去澳門9號會所搵PR毛毛，阿妹一攞上手就知係乜型號，仲大大聲用半鹹淡英文加廣東話讀出嚟，然後笑我用舊機，接住就介紹新機嘅功能有幾勁幾猛！毛毛係北方人，細佬當然唔怪佢，但在場男女笑到連酒都噴番出嚟，既然係咁，無謂自己攞架嚟丟，情願用番國貨，同聲同聲仲多話題啦！不過被毛毛咁笑我，內心嗰團火谷住谷住點都要爆，下半場等細佬同阿妹猜番幾場枚先得啦！