世界各地爆發「尼馬挑戰」，男女老幼喺地上鬥碌，與其畀大家喪抽水，早前當事人喺「埃豬」抽自己水，拍咗段「犯規挑戰」短片，教細路「插水」之道。學球王插水無着數，不如學細佬「插水」同步「抽水」會唔會開心啲呢？當然唔好周街搵人測試，要試就過馬交夜場搵件靚靚PR，趁佢唔為意抽兩嘢，就算被對方發現，肯定唔會星你兩巴囉！當晚細佬去咗龍會搵PR彭莉，見佢副偈經已令人想入非非，無計啦，前凸後趷，加埋嗰對連拉尺都度唔盡嘅長腿，你叫細佬點抗拒喎，咁情況，你話我無賴都唔在乎，即刻叫阿妹坐低飲兩杯吹吓水熱身先啦！跟住彭莉話佢好鍾意篤波，嘩！呢啲位仲唔係抽水黃金機會，即場同彭莉篤番幾場，以為你一棍我一棍輪住篤，Sorry囉，彭莉好波到當仁不讓，枱面成盤波都畀佢入晒，細佬連埋枱機會都冇呀陰功！