今年20歲嘅高橋朱里喺2011年加入AKB48嘅時候，樣子唔係好吸引，不過愈大愈靚女，帶幾分俏麗氣質之餘，依然充滿青春感覺，所以喺現役AKB48成員當中甚具人氣。最近朱里決定將美貌以及身材同時獻畀大家欣賞，寫真集《曖昧な自分》就係最新個人作品，亦係出道以來最激同最具突破性嘅演出，今次去到寶島台灣取景拍攝，罕有地換上性感內衣示人，將青春鮮嫩肉體盡情展露，連朱里睇過寫真集之後，亦表示為自己有如此性感火辣一面而感到驚訝！朱里又話感到相當滿足，事關佢呢次突破性嘅演出成功滿足到各位粉絲！
書名：《曖昧な自分》
售價：約HK$135
撰文：賢