美國有唔少著名嘅情慾小說系列，但呢類系列式作品最令人卻步嘅地方，在於一定要從第1集開始追嚟睇，否則從第2集或以後開始睇嘅話，好難明白當中嘅人物關係。不過情慾小說家瑰絲莉‧寇爾嘅《不朽夜族》系列，就唔會出現呢個問題，而發生喺魔幻世界嘅情慾故事，更係睇到人血脈沸騰，今次介紹呢本書就係嚟自該系列嘅第3部作《冷月魔戀》。故事講述勇悍狼族戰士柏溫‧麥克里夫為咗令愛侶復活，經過200年尋找，終於喺一位女武神口中得到線索，為咗一直以嚟嘅目標，佢夥同一位年僅23歲嘅精靈女巫瑪黎卡妲參加一場殘酷嘅競賽，目的地係一個遠古墓穴。為咗獲得救回愛侶的力量，柏溫打算不擇手段搶得先機，卻係過程中燃起對女巫嘅慾望，而瑪黎卡妲亦被呢位狼族戰士所吸引，一種狂野熱情喺兩人之間迅速蔓延。只係面對愛侶嘅忠貞，以及狼族戰士天生對女巫嘅抗拒，卻令柏溫一再卻步，不過當佢發現女巫被邪惡力量威脅時，長久被壓制嘅慾望卻終於爆發！