向來四仔不論Softcore或Hardcore都各有支持者，兩批粉絲分得好清楚，Softcore認為重口味內容「太硬太假」，而後者又覺得前者「隔靴搔癢」到喉唔到肺，咁唔知大家又鍾唔鍾意Girlcore呢？叫得Girlcore當然以囡囡為核心，所有男優都要彈開，連出場被脫星調教嘅資格都冇份，咁咪即係豆腐片？啱，但多得四仔導演Bree Mills加咗個潮名叫Girlcore，令成件事同豆腐片就有好大分別啦！據Bree Mills早前接受成人網站訪問時表示：「女女勢力將會係未來四仔趨勢！」意思係四仔主流將會喺女人玩晒！咁男優咪乞食？又唔使咁悲嘅，每年四仔有成千上萬部，任你再猛都砌唔晒嘅！講番Girlcore先，包裝得咁巴閉，當然唔會拍一套四仔咁簡單啦，Bree Mills已經嗌晒咪，Girlcore唔會係一套四仔，而係一季四仔，好似電視劇咁長拍長有，最快10月見街，每部四仔都有獨特角色登場，而Bree Mills更親自講解箇中構思，係源自佢嘅成長過程，因此背景圍繞20世紀80年代嘅時代女性，例如一齊跳Aerobics，就連脫星嘅髮型及服飾，甚至對白都跟足80年代。好期待？咁又講唔上，但都係嗰句，潮流都係靠包裝，最重要係有商機，單單靠賣碟「單撈」邊搵到食，周邊嗰啲產品先最搵銀，家陣已經推出Girlcore T恤，咁玩爛Girlcore到時又唔知推乜Core呢？