朱唇性感誘惑

首個接吻場面

大家唔好以為日本嘅「Kiss之日」（キスの日）之所以誕生，係為咗宣揚呢種嘴唇與嘴唇之間愛嘅表現，查實同日本嘅歷史有好大關係。二戰後，美國設立嘅駐日盟軍總司令部（GHQ）嚴格控制日本文化界，但凡電影劇本都要經過佢哋嘅審批。喺1946年時，日本導演佐佐木康將電影劇本《20歲的青春》（はたちの青春）送交對方審查，當時GHQ嘅美國主審官康德提出一個喺當時日本影視界相當大膽嘅要求，就係要求導演喺呢套愛情電影中加入接吻鏡頭，結果電影男主角大坂史郎同女主角幾野道子就喺電影中隔住一層紗布接吻，令呢套電影成為日本電影史上首個接吻場面。電影公映後連場爆滿，皆因對當時日本人嚟講，接吻呢種西方文化對佢哋產生極大衝擊，因此同年日本人將電影拍攝煞科日，亦即5月23日定為「Kiss之日」。

巨乳蘿莉香吻

日本寫真界中有唔少打住蘿莉系索女出道嘅女優，而當中既有蘿莉系特徵嘅童顏，又有激凸身材，同時擁有誘人紅唇嘅女優，中村靜香絕對係其中一位，而喺佢呢本寫真集《KISS》中，便展現出呢種誘人之吻。中村靜香擁有33F巨乳，分量十足，而佢嘅來頭亦唔小，事關喺1988年9月9日於日本京都出生嘅佢，喺2003年曾參加第9回全日本國民美少女比賽並進身決賽。憑住童顏巨乳，令佢喺寫真界獲得超高人氣，雖然身高只得163cm，但係雙腿卻異常修長，令佢更多一個賣點。喺呢本寫真集中，除咗展現童顏巨乳嘅魔力外，更展示一張誘人嘴唇。為咗讓大家飽覽魔鬼級身材，中村靜香以大量水着造型登場，而且露出度極高。另外，寫真集仲收錄咗中村靜香童年時嘅照片及獨家專訪。

動人 厚唇魅力

寫真集唔單止係為咗展現女優嘅性感魅力，同時要做到誘惑男士嘅效果，而喺日本寫真偶像小西Kiss嘅寫真集《Kiss是嘴唇和嘴唇的交流》中，呢點便能夠充分體現。雖然呢本寫真集嘅書名玩食字，但內容又的確係展現出小西Kiss嘅厚唇魅力。事實上，喺1990年2月16日於日本長野縣出生嘅小西Kiss，最突出嘅賣點唔單止在於美艷嘅樣貌，以及帶慵懶嘅氣質，仲有係一片輕易打動男士心嘅厚唇。為咗突出佢呢個動人部位，攝影師塩原洋特意讓小西Kiss大玩口技，不過大家唔好心邪，皆因只係拍攝小西Kiss飲飲食食，同時大特寫佢食熱狗、淺嘗美酒、輕咬水果等動態而已。除咗玩誘人朱唇外，當然唔少得大量水着靚相，同埋性感嘅生活造型相啦！

最想咀 天海翼

如果要揀一位最想咀嘴嘅AV女優，唔知大家會揀邊位呢？如果係日本AV迷嘅話，相信天海翼一定榜上有名，想知道箇中原因，就要睇佢嘅寫真集《Kiss You》。事關呢本寫真集作為佢引退前，最後一本成人寫真集《A LIFE INTO CINEMA》嘅前哨作，有別佢以往推出過嘅寫真集，當中佢一改以往露三點嘅做法，而喺攝影師MUKAI嘅操刀下，不但凸顯佢嘅朱唇魅力，更透過一對33E巨乳嘅魔力，拍攝出一本相當有美感嘅寫真。攝影師表示，希望營造出溫柔而可愛嘅一面，同時跟天海翼以前以露肉為主嘅寫真有所分別，故此運用柔焦嘅拍攝手法，從而凸顯天海翼被人忽略嘅美感。雖然呢本寫真以美感為主題，但講到性感度仍屬噴血級，絕對係個將美感同性感糅合為一嘅作品。

風俗孃 嘴對嘴

雖然寫真集係好睇，但對於男士嚟講，想感受到無比銷魂之吻卻唔係易事，而想滿足呢種誘人感覺嘅話，最好嘅方法莫過於去呢間位於池袋嘅風俗店「我的Kiss Refresh」（俺のKissリフレ）。呢間喺2015年開業嘅風俗店，之所以喺日本玩家眼中如此特別，唔單止在於店內嘅風俗孃全部係百分之百素人，即係從未有過風俗行業經驗嘅女性，更在於佢哋喺服務過程中會溫柔地獻吻。原來喺日本風俗界中有條不成文嘅規例，就係風俗孃唔會同客人之間有嘴對嘴嘅接觸。為咗打破呢個潛規則，呢間風俗店讓風俗孃喺提供服務嘅過程中，給予玩家最少一次嘴對嘴嘅機會。風俗店表示，呢種親吻行為對男士嚟講，有極佳嘅療愈作用，可以令佢哋嘅內心更能得到滿足。

撰文：魂