無論拍戲、拍電影定係拍寫真，一旦出國取景拍攝就會令吸引力大大增加，同時成績亦理想，而今次到外地拍攝寫真集嘅小倉優香，就絕對唔使怕銷量欠佳啦！年方19歲嘅小倉優香係日本寫真界嘅超新星，喺上年成為《周刊Young Magazine》封面女郎之後，人氣勁升，全因為優香唔單止擁有可愛又純潔嘅童顏，仲擁有一副高挑身材，同時上圍有35G咁勁，難怪有人形容優香為「現實版峰不二子」，之後仲成功喺「第四屆封面女郎大獎」奪得寫真部門獎。優香挾住強勁嘅人氣，喺電影圈亦發展順利，有份參演嘅電影《人狼遊戲 地獄》已喺早前上映。