男人天生好色，假如要喺色情同愛情之中二揀一，好多男人都會揀色情，因為單身寡佬，能夠食盡天下女，真係死都抵啦！但若然步入婚姻後，即使個心好想出去偷食，但係礙於要面對老婆、責任同承諾，未必敢亂嚟！雖然身體唔行動，但係內心卻蠢蠢欲動，今日介紹呢本書《Erotic Love and Marriage: Improving Your Sex Life and Emotional Connection》正正道出男人之苦！
女人永遠都唔明白，點解家有嬌妻，衰佬仲咁鍾意出去沙沙滾？咪因為男人有無窮無盡嘅性幻想未能滿足囉！須知道，男人婚後會繼續睇四仔、繼續搵「五姑娘」、繼續去交友App，目的都係滿足心理上出軌，但係佢哋又甚少會同伴侶提出，而呢本書就係講解男人嘅種種行為，透過日常生活情景認真分析，為夫婦提供更多健康觀點及指導方針，係咪堅Work真係要雙方試過先知喇，不過假如能夠減少男士心理出軌，令女伴增加安全感，就不失為一本好書喇！
書名：《Erotic Love and Marriage: Improving Your Sex Life and Emotional Connection》
售價：約HK$234
撰文：祖