入學園溝女

愛情就係咁微妙，每當以為自己找到一生最愛嘅伴侶時，卻總會出現第三者令自己陷入難以抉擇嘅局面，搞到唔知點算好。如果未經歷過呢種事，但又想體驗一下當中感覺嘅話，就要玩吓呢隻由Campus最新推出嘅作品《二人與打算開始的愛情喜劇》。遊戲中嘅兩位女主角都係樣貌同身材兼備嘅萌系索女，加上鹽花極多嘅場面，簡直令人玩到流晒口水。

故事講述富二代矢上一真入讀名校麻保志學園之後，因為家道中落，變成要過住飢寒交迫兼經常被人追債嘅日子。而一真收到風日本數一數二嘅名門帝堂家嘅千金帝堂白雪就讀麻保志學園，而自問英俊靚仔嘅一真，心想如果溝掂白雪能夠入贅對方家族嘅話，就唔使再為三餐而煩惱。點知白雪眉精眼企，一眼就睇得出一真接近自己嘅意圖，於是狠狠地拒絕對方。正當一真唔知點算嘅時候，白雪嘅好友兼貼身管家佐倉希乃突然出現喺一真身邊，並表示自己深得白雪信賴，因此可以幫一真完成心願。點解希乃會挺身幫忙？當中又有咩陰謀呢？咁就要等玩家好好同希乃發展關係，然後睇吓點樣埋白雪身喇！

開發商：Campus