小弟成日都大讚SOD呢間AV廠，除咗敢於創新嘅拍攝構思，近年仲經常為慈善公益出力，當然最引人入「性」係舉辦一年一度嘅大型感謝祭，今次更出動16位女優招呼AV迷，場面相當熱鬧呀！
以現時日本AV廠嘅形勢嚟睇，北都集團喺AV女優實力上可以話係無懈可擊，單係集團內嘅AV大廠S1就已經坐擁天后級嘅明日花綺羅、三上悠亞、Rion、小島南等等，仲有超級新人吉高寧寧，最近仲將Prestige一姐彩美旬果收歸旗下添！之不過，小弟就唔係幾欣賞北都，唔係話佢嘅作品唔夠精彩，而係對於辛辛苦苦大破慳囊、真金白銀支持佢嘅AV迷可謂毛都冇回報過一條，歷來好少舉辦感謝活動。相反SOD就唔同喇！近年都會搞大型感謝祭，出錢租大型活動場地，仲出動旗下女優同粉絲玩足一日，令粉絲非常滿足。早前SOD大型感謝祭又再次上演，今次喺大阪嘅千日前味園大廈舉行，一如以往，SOD旗下女優全部都有出席，人數有16位咁多，當中包括三大台柱紗倉真菜、古川伊織以及白石茉莉奈，仲有新加盟嘅女優本庄鈴、新紮宣傳部女職員望月理沙等等，佢哋仲分成紅白兩組嚟個大對決鬥一番。
紅組由紗倉真菜做隊長，帶領隊員戶田真琴、本庄鈴、古川伊織、竹田夢、小倉由菜、和美以及望月理沙，白組則由白石茉莉奈做隊長，隊員有桐谷茉莉、白瀨七海、三田杏、市川雅美、飛鳥鈴、青山希愛以及榎本美咲，兩方都人才濟濟。而頭炮對決項目係猜底褲包剪揼，兩隊各派出1名隊員揭起條裙露出底褲，底褲上印有包、剪、揼圖案，以雙方底褲嘅圖案嚟分勝負，期間紅白雙方女優都玩到忘晒形，仲趷高屁股畀大家睇清楚，場面搞笑又誘人。
另一場對決亦同底褲有關，先請來台下觀眾孭起藤籃，然後女優將手上嘅底褲拋入籃中，最後籃中有最多底褲嘅一隊就勝出，雖然觀眾同女優相距不遠，但係底褲輕身而柔軟，要準確咁拋入籃中真係相當有難度。之後就輪到借物大賽，紅白雙方抽籤嚟決定需要向觀眾借邊幾種物品，最快湊夠物品數量為勝。總計咁多場對決，結果由紗倉真菜率領嘅紅組技勝一籌，以1分之微壓倒白石茉莉奈嘅白組，奪得比賽冠軍。
呢場對決比賽競爭激烈之餘，觀眾亦可以參加埋一份，可謂打成一片。但係大家應該都覺得唔夠喉，唔使擔心，因為SOD一向最照顧AV迷，比賽過後女優們一樣唔會放軟手腳，喺場內各就各位同AV迷玩遊戲，以及為大家簽名同合照，仲可以畀大家坐定定欣賞女優們嘅歌舞表演。而以上都係一般AV迷可以參與嘅活動，至於特別活動就只有貴賓至可以享受到，眾多有份參與感謝祭嘅AV迷都係事前有幫襯SOD買AV碟，至於貴賓就花得特別多錢，所以獲得如此厚待，有幾厚待呢？就係可以同女優們一齊坐低把酒談心，真真正正近距離與女優接觸，呢個機會真係難能可貴呀！唔得喇！等我儲定錢，下次要參加埋一份呀！
撰文：賢