如果要數現今美國嘅情色小說天后，琳達‧霍華必然係其中一位，事實上佢嘅小說大受歡迎，先後翻譯成多國語言，而講到當中嘅超人氣作品，莫過於《寂寞的狼》。故事講述喺20世紀居於美國懷俄明州，擁有印弟安血統嘅男主角渥夫，因為血統關係而被鎮上居民歧視，更背負住一生難以洗脫嘅冤罪污名。為免同佢相依為命嘅兒子受到唔公平對待，及希望得到自由生活嘅空間，佢決定同兒子走到深山開闢牧場。正當渥夫同兒子過住安穩生活嘅時候，一位嚟自美國南部嘅女教師瑪麗，竟然令佢堅定嘅自制力瓦解。瑪麗自覺長相平庸，對愛情唔抱任何憧憬，因此全心全意投入教育工作之中。瑪麗發現渥夫嘅兒子成績優異，但卻莫名其妙休學，又見到鎮上居民抗拒渥夫，於是獨自走到深山牧場，希望說服渥夫畀佢個仔繼續學業。隨住兩人接觸日深，愛苗慢慢喺兩人間成長，更發展出情慾關係，隨住高潮一浪接一浪，瑪麗發現自己內心竟然有無比熱情，不過兩人迥異嘅背景，最終能否讓愛情開花結果呢？