性感女戰將

唔知大家有冇發現，唔少日本遊戲嘅女角色外形唔單止出眾，身材前凸後趷之餘，造型更係相當性感，難怪佢哋經常被模型商睇中，推出賣相養眼嘅模型，好似今次介紹呢位性感女戰將亞莉莎就係其中一位。嚟自2013年於日本發售嘅PSV遊戲《GOD EATER 2》，亞莉莎嘅戰鬥力非同凡響，而佢之所以有相當高嘅人氣，最重要嘅原因在於冷艷嘅樣貌、火辣嘅身材同埋超性感嘅戰衣，正係呢幾種元素加埋一齊，而大受粉絲歡迎。

如果有留意亞莉莎之前推出過嘅模型，會發現佢通常以格仔裙戰衣示人，而今次以超性感嘅白色比堅尼登場，不但零舍有新鮮感，而且養眼度極高添！模型嘅焦點固然係喺圓渾嘅美股上，喺小巧嘅比堅尼襯托下，賣相相當性感，當然一對呼之欲出嘅巨乳，更係唔可以錯過嘅吸睛位。如果嫌件外套遮住晒嘅話，大家可以親手除咗佢，讓巨乳一覽無遺。

全高：約260mm