如果呢個世界從未出現過照片嘅話，今時今日我哋又點得嚟咁多寫真睇呢？每年4月10日係日本嘅「照片之日」，唔少人會將一啲珍藏嘅攝影集同大家分享，當中更有唔少既具代表性，同時又養眼無比嘅攝影作品同寫真，值得一睇再睇！
「照片之日」係喺2016年制訂，當中委員會嘅成員來頭相當大，分別有必酷株式會社、Kitamura株式會社、Koide Camera株式會社、Plaza Create株式會社以及友都八喜株式會社，目的係為咗推廣照片文化、相片傳播、照片互贈，以及將照片嘅力量傳遞畀更多嘅人。之但係點解要定喺4月10日呢？據委員會解釋，除咗因為每年呢個時候係入學同就職期嘅開始，唔少人都會拍攝證件相外，同時「4」同「10」嘅諧音分別為「フォ」及「ト」，而將兩個諧音合成一齊嘅話，就會變成「フォト」，即係英文「Photo」嘅讀音。為咗慶祝「照片之日」，除咗會舉辦各類攝影比賽之外，當然唔少得動人嘅寫真集分享。
睇到呢本以日本海女為主題嘅黑白攝影集，就知道佢有相當嘅歷史，原來呢本名為《海女的魅力》（L'incanto delle Donne del Mare）嘅攝影集，係由意大利攝影師Fosco Maraini於1954年喺日本拍攝，記錄呢種喺日本存在已久嘅古老行業，以及佢哋嘅日常生活，因此相中嘅海女個個都半裸示人。據稱Fosco為咗用相機記錄海女嘅生活，到日本能登半島北方嘅舳倉島及御厨島，影低佢哋嘅生活及工作點滴。之但係點解海女會半裸，甚至全裸落水呢？原來咁做嘅原因，係為咗方便潛水，同埋減輕身上裝備，因此大家應該從文化同生活嘅角度嚟欣賞呢班充滿生命力及自然美嘅海女。
日本嘅鹹書喺好早之前已經出現，當中梗係唔少得有鹹相，只係一啲年代久遠嘅鹹相，喺今時今日又點樣可以重溫得到呢？呢本由日本講談社推出嘅相集《鷲尾老人 Collection》，就集合咗明治、大正同昭和時期，曾經喺唔同成人雜誌上刊登過嘅鹹相，讓大家可以一次過重溫喺19世紀出現嘅誘人相片。書中分為6章，分別係精心挑選珍藏照、昭和時代日本女性、明治及大正好色「卵白寫真」、昭和風俗秘畫、性解放時期衝擊日文色情文化「洋物」世界及珍藏女性器，從內容可以睇到，書中唔單止收錄咗唔同時期日本女性嘅裸體照，仲有大膽嘅性愛相片，以及影響當時日本深遠嚟自外國嘅成人攝影圖片，內容相當豐富又有歷史味道。
如果要數近代人氣最勁嘅寫真女優，不得不提Leah Dizon，若然未聽過佢個名，真係要睇多幾眼佢首本寫真集《Petite Amie》喇！全名叫Leah Donna Dizon，喺1986年9月24日於美國拉斯維加斯出生，父親係菲律賓裔華人，母親係法裔美國人。喺美國時已從事模特兒工作，2006年4月到日本發展，同年10月推出寫真集《Petite Amie》。憑住高質嘅混血兒外形，加上火辣身材，寫真集獲得極佳嘅成績，令佢一炮而紅。其後每年推出兩本寫真集，全部均獲得極佳銷量。不過，講到最令人印象深刻，始終係《Petite Amie》，皆因當時Leah Dizon清純得嚟又有野性嘅味道，難怪被喻為寫真界近年嘅佳作之一。
日本巨乳女優嘅寫真集係唔少男士嘅至愛，而講到巨乳女優寫真集，絕對不可以錯過曾經風靡一時，被稱為元祖巨乳女優Agnes Nalani Lum嘅寫真集《1974 Memories》喇。當中收錄日本著名寫真攝影師池浴朗為Agnes拍攝超過30張嘅寫真照，當中有部分曾於Agnes以前出版嘅寫真集內發表過外，亦有部分係從未曝光，令呢本寫真集提升收藏價值。
Agnes Nalani Lum當年叱咤日本寫真界，喺1956年5月21日於夏威夷出生嘅佢，擁有中美血統，上圍有35吋，1974年被日本星探發掘，並到日本發展，初時以演藝工作為主，其後就主打拍寫真，因此被稱為寫真偶像嘅鼻祖。據稱高橋留美子嘅漫畫《山T女福星》嘅女主角拉姆，就係以Agnes Nalani Lum做原型o架啦！
撰文：魂