作為一個負責任嘅男人，喺進行性行為時，梗係要用安全套，尤其係未有生育計劃嘅話，做足安全措施更係唔少得。不過幾時會情到濃時，真係好難預計，但係隨身預備安全套嘅話，又會令新相識嘅女仔或女友誤會，以為你成日掛住搞嘢，就連兄弟都未必會撐你添！好似早前有男網民自稱為咗可以無時無刻做個負責任嘅男人，因此隨身袋住一個安全套，而呢段貼文一出，即時引嚟抨擊。
網友回應：
勇悍俠：隨身帶備安全套，擺明係想啪啪啪啦，因為我曾經都係個咁嘅男人。當年我仲拍緊拖嘅時候，預咗隨時會同女朋友搞嘢，為咗方便，咪隨身帶定個套囉！點知女友發現咗之後，就話我個人好賤格，出嚟見面只係想做愛，差啲搞到分手，以後我咪唔再咁做，費事佢誤會。
小橙汁：男人就係咁，成日搵藉口畀自己，乜嘢叫做帶定個套係為咗做個負責任嘅男人？其實咪就係為咗啪完唔使負責任囉！女人同得你上床，都係因為愛你，視你為終身伴侶，但係見到你成日帶定個套，好明顯係為求一洩，覺得你呃佢囉！
CozIplay2100：大家又唔好咁講，查實我以前都唔會隨身袋住個套，不過有次我同個女仔去時鐘酒店爆房，行經便利店諗住買個套，點知呢個時候對方突然反悔，話都係唔好，結果乜都食唔到。所以話帶定個套，幾時想鹹濕都得，相信樓主嘅目的都係咁。
相見總是癡：點解無啦啦要帶定個套，你真係好急住用咩？若然想同女友開房，咪到時去買囉，總有一間便利店同藥房喺左近。其實你都係想可以隨時啪啪啫，唔好講到乜嘢負責任咁偉大。
撰文：魂