唔識潮流唔係罪，但唔知Phyllis Posnick係乜水就一定係你嘅錯，理由係呢位喺《Vogue》撈咗長達30年嘅時裝編輯，一直跟隨Anna Wintour其後，即係電影《穿着Prada的惡魔》入面嗰位時尚「女魔頭」嘅左右手。據傳媒報道，Phyllis Posnick最擅長嘅唔只係着衫，佢嘅編輯排版能力超強，製造令人停留嘅圖像，永遠帶畀讀者一種驚人及超現實嘅圖片，即使大家對潮流無興趣，都好想去了解製作過程。因此佢推出寫真集《Stoppers: Photographs from My Life at Vogue》，集結過去30年嘅精彩作品，放喺21世紀再重新審視。