小弟一直都好佩服日本人，除咗佩服佢哋做事認真以及守規矩嘅公民意識之外，亦佩服佢哋乜都可以玩一餐，好似乳頭相撲呢個玩意，將一條繩兩頭綁住衣夾，比賽時將衣夾夾住雙方嘅乳頭，大家鬥拉鬥扯，最後扯甩對方嘅衣夾便為之勝出。除咗呢個鹹趣嘅乳頭相撲之外，近期日本AV女優鍾意鬥放屁，即刻睇吓佢哋點樣大鬥法先！
所謂同行如敵國，企業之間會有明爭暗鬥，在職人士與同事之間亦會爭餐死，甚至大打出手。喺日本AV界競爭亦唔細，但係女優之間好少會有爭鬥嘅情況出現，至多都係喺AV廠搞嘅粉絲見面活動中玩吓遊戲，好似KMP每年舉行兩次嘅「KMP校園祭」就係好例子。不過，上年10月出現咗一個鬥餐死又充滿創意嘅比賽活動，就係「大家來聽美少女放屁會」喇！放屁會集女優比賽與粉絲見面會於一身，上次搵嚟愛原怜乃、伊呂波夢月及明美美羽上陣，進行連場臭到冤又笑到癲嘅放屁大賽，最終由美尻女優明美美羽勝出！
而今次比賽明美美羽以放屁冠軍姿態登場，而同佢爭奪放屁女王寶座嘅有人氣美熟女明里友香及高學歷女優八橋彩子。由於上次放屁會反應熱烈，吸引到好多人留意，今次載譽歸來一樣話題十足，連電視台都有報道活動嘅消息。
明里友香、八橋彩子以及明美美羽甫登場，先同大家祝酒預祝放屁會夠響又夠獎，而全場座無虛席，更加有來自美國嘅遊客參加，可見日本AV女優「屁」聲國際。喺鬥放屁之前，三位女優先嚟個文鬥，各自創作出「川柳」，即係其中一種日本詩以表達自己對放屁嘅情懷，當中最有趣嘅係八橋彩子嘅「川柳」，意思係放屁可以縮窄同大家嘅距離，咁又係喎！愛侶之間如果可以放膽咁喺對方面前放屁，一定係感情深厚到不得了。玩完作詩，就嚟個私物拍賣，女優喺一個只係遮到胸部以下嘅布幕當中即場除三角褲，再畀大家競投！
拍賣玩畢，放屁會亦進入小休時段，而呢段時間三位女優都冇停手，一於大吃大喝，重點係猛食番薯，而明里友香就食私人帶備嘅金平牛蒡，友香話牛蒡纖維含量極高，可以令臭屁更容易產生喎！呢樣亦係其獨門秘方，吸引其他兩位女優都想食埋一份，不過友香拒絕同佢哋分享。至於飲品方面，就係可以令大家谷到一肚氣嘅汽水，不過有飲有食都未夠，女優們換上性感三點式登場之後，仲輪流接受專業按摩師按摩腹部，另外做出各種運動加強力量，好似明里友香就做瑜伽，搞到屁股朝天。
準備工夫做到足，係時候鬥放屁喇！三位女優齊齊向觀眾們做出M字張腿姿勢蓄勢待發，司儀一聲令下女優就起勢放屁！上屆冠軍明美美羽連放7屁，但係做出如此驚人成績依然係包尾，因為八橋彩子放咗8次屁，至於做足準備工夫嘅明里友香就堪稱屁后，居然可以放咗12次屁咁多！大會按成績分別頒發金銀銅獎作為獎勵！如果大家都想感受AV女優嘅魅力同「屁」力的話，喺6月9日又有機會，當日會上演「大家來聽美少女放屁會」第三回合，到時又可以見證屁后誕生喇！
撰文：賢