快感時刻一秒都唔等得

情色俚語：Quick Trick 拿拿臨搞掂

唔同地方嘅色情行業，都有自己一套行內暗語，而「Quick Trick」就係其中之一。咁呢個嚟自美國色情行業嘅暗語，又係乜嘢意思呢？所謂「Quick Trick」其實係妓女同妓女之間嘅暗語，意思係快速嘅床上交易，簡單嚟講即係要用上特殊嘅技巧，令玩家快啲發射升空。通常佢哋講得呢個暗語無非得兩個原因，一係客人惡啃，拿拿臨搞掂佢就算，另一個原因則係客人多到排晒長龍，惟有快啲做完再接下一個客人。另外，喺美國同志界亦有「Quickie Station」呢個暗語，意思係指公廁，因此當有人問你想唔想去附近嘅「Quickie Station」時，千祈唔好以為佢帶你去車站呀！

玩樂辭典：Quick One 快速入正題

雖然唔少性學家都話，想喺床上玩得開心，最重要係講氣氛同做足前奏，但對於性急男女嚟講，時間先至係最重要嘅一環，而講到呢種快過食快餐嘅性愛，英文就叫做「Quick One」。佢同「Quick Piece of Ass」嘅意思一樣，形容快速嘅性愛，冇前奏之餘，同時係零交流同零浪漫感，簡單講即係一嚟就埋牙。雖然呢場性愛好似冇乜樂趣，但卻有唔少男女認為咁樣先至夠刺激。另外，英文情色俚語中有「Quick Sex」，雖然佢都係形容快速嘅性愛，但同「Quick One」有分別，「Quick Sex」係指有着衫嘅情況下快速啪啪啪，而「Quick One」則係指兩人剝晒衫咁進行。

美國四仔系列：《The Adventures Of Rick Quick Private Dxxk》 查案查上床

有人話以前美國嘅色情電影好睇啲，事關當年嘅作品有故事性，加埋脫星又識演戲，令人睇得有味道。事實上，當年嘅美國鹹片確係有獨到之處，好似喺1984年於美國上映嘅成人電影《The Adventures Of Rick Quick Private Dxxk》咁，正係戲味同鹹味並重之作。由當年紅極一時嘅美國脫星Bunny Bleu夥拍男優Robert Kerman演出，以喜劇加鹽花嘅題材而深受歡迎。故事講述Robert Kerman飾演嘅男偵探R. Bolla唔單止擅長查案，溝女亦有一手，有次佢收到Bunny Bleu飾演女客戶Suzie嘅柯打，叫佢幫手查吓丈夫係咪有外遇，理由係丈夫好耐冇同佢啪啪啪。正所謂姣婆遇上脂粉客，慾火旺盛嘅R. Bolla見到Suzie，結果未查案兩人便已經上床，跟住兩人邊偷情邊查老公係咪喺外面偷食，結局相當出人意表！Bunny Bleu當年人氣高企，呢位喺1964年6月1日美國出生，並喺1983年出道嘅脫星，憑住美艷外形好快上位，於1983年至1989年間演出超過150套鹹片，其後於1997年進入AVN名人堂。

日本AV系列：吉川愛美　真實反應

如果問日本AV女優究竟演出時有冇獲得快感，絕大部分都會答有，皆因咁樣講可以博宣傳。不過講到拍晒心口話真係有快感，卻要數喺1994年3月15日於日本神奈川縣出生嘅吉川愛美，事關佢喺多次訪問中表示自己每次演出都獲得快感，尤其係演出綑綁場面，令佢興奮無比，而同吉川愛美合作過嘅男優，都話佢真係有性反應。雖然有冇真快感就唔知，但可以肯定佢一對巨乳係真材實料，憑住39H嘅上圍令佢喺2012年8月於寫真界出道時，獲得極高嘅人氣，之後喺2013年1月10日轉戰AV界，成為AV片廠SOD嘅專屬女優，憑住處女作《AV debut》成為當時嘅焦點新進女優。吉川愛美身材出眾，加上萌味十足，令佢喺第64屆SOD大賞中獲得「優秀女優獎」及「一萬本達成獎」。所謂「一萬本達成獎」，就係指女優演出嘅AV總銷量突破一萬張。2014年吉川愛美轉投到SOD新成立嘅子公司team ZERO，成為該公司首位專屬女優。2015年佢轉會到另一AV片廠Wanz Factory，並積極朝住藝能界發展。

撰文：魂