喺日本有好多有才華又具姿色嘅美人兒，好似今野杏南除咗係樣靚身材正嘅寫真女郎，同時亦係一位官能小說家，至於AV廠SOD嘅鎮店之寶紗倉真菜近年亦致力從事小說寫作，早前更加去到一間大學做客串講師添！而生得甜美而身材誘人嘅鹿目凜唔單止係美少女偶像組合成員，仲係一名漫畫師。
21歲嘅鹿目凜擁有一副人見人愛嘅嬌俏童顏，曲線誘人嘅雪白胴體相當吸睛，除咗作為7人美少女組合「Dempagami.Inc」嘅成員展現青春活力，仲經常喺雜誌連載四格漫畫，認真多才多藝。鹿目凜一直都好想推出個人寫真集，今次終於願望成真喇！《ぺろりん》係鹿目凜嘅首本寫真集，當中凜妹會去到家鄉埼玉縣以及一直都希望一遊嘅沖繩取景拍攝，凜妹喺呢兩個地方換上泳裝展露鮮嫩胴體以及充滿治愈能量嘅笑容，另外凜妹仲會加入自己用心繪製嘅插圖於寫真集當中，等大家欣賞其身材之餘，亦可以欣賞到其畫功。
書名：《ぺろりん》
售價：約HK$198
撰文：賢