風俗孃寫日記都有獎？

獲5萬日圓獎金

對日本風俗孃嚟講，最具效力嘅宣傳方法莫過於「寫真日記」，事關佢哋可以透過不斷更新日記，透過淫而不露嘅文字、照片同短片，引起男士對佢嘅興趣。為咗獎勵一班認真經營嘅風俗孃，日本風俗情報網站「City Heaven」自2014年起每年都會舉辦「寫真日記頒獎禮」，選舉方法係透過網站嘅統計系統，搜集嚟自全日本眾多風俗店嘅「寫真日記」點擊數據，喺一年之中日記點擊率最高者，便能奪得大獎「Grand Prix」嘅榮譽。

嚟到今年第4屆嘅「寫真日記頒獎禮」，大會為精簡獎項而設有「Grand Prix」1名、「準Grand Prix」2名、優秀獎12名及撰稿人獎110名。「Grand Prix」可獲得5萬日圓獎金，「準Grand Prix」有3萬日圓，而優秀獎則每位可獲得1萬日圓。另外「Grand Prix」及「準Grand Prix」得獎者可以喺風俗情報網站長期宣傳，吸納更多客人。

參賽要求嚴格

可能有人以為想吸引男士睇日記，風俗孃只需要露點同拍攝自娛短片咪得囉！咁諗就錯喇！事關但凡有份提名參賽嘅風俗孃，佢哋都需要受到大會嘅監察，若然有人做出露點、自娛、寫色情文章等違規行為，都會先被警告，若然有重犯者則會被取消資格，甚至會被大會舉報添！當然，自頒獎禮舉辦以嚟，從未有風俗孃試過犯規。此外，風俗孃若然有任何問題嘅話，可以搵大會進行專業諮詢，因此能夠獲得「Grand Prix」榮譽嘅風俗孃，可以話係實至名歸。

「Grand Prix」得主　太陽 墮入愛河

經過長達一年嘅數據統計後，「寫真日記頒獎禮」嘅「Grand Prix」得主就係嚟自兵庫縣福原泡泡浴風俗店「Good」嘅「太陽 墮入愛河」（太陽 に惚れろ）。對於自己嘅寫真日記能夠得到大獎，「太陽 墮入愛河」表示相當驚喜，因為佢喺2017年10月10日先至開始做風俗孃並撰寫寫真日記，佢表示希望從今開始，能滿足支持者對佢嘅期望。至於佢能夠奪得冠軍嘅原因，大會分析出幾點，首先「太陽 墮入愛河」嘅外形美艷兼身材火辣，而日記中嘅照片亦拍得相當性感；其次係佢運用咗大量GIF檔，具有動感嘅GIF檔充分展現出佢迷人嘅身段；最後就係佢善於運用具有想像性嘅日記標題，令人一睇就產生性趣。

準「Grand Prix」得主 美咲、明珠

能夠獲得「準Grand Prix」榮譽，亦係喺寫日記上實力非凡嘅風俗孃，其中一位得主就係嚟自福岡出張風俗店「Shining Box」嘅美咲。佢表示喺收到獲獎通知時感到難以置信，因為佢冇諗過日積月累咁寫日記，竟然會引嚟大家共鳴。佢更分享寫日記嘅心得，就係要注意閱讀方便性，漢字同平假名嘅比重要平衡，文章段落要分明，最重要係坦率地表現自己，同埋要承認打錯字。大會稱美咲嘅寫真日記咁受歡迎，全因佢嘅態度相當認真，不但內容同照片都好講究，仲運用大量顏色字及表情符號，充分表現出佢喜怒哀樂嘅心情，令人睇起嚟有親切感。

至於另一位得主，係嚟自名古屋美少女系風俗店「Reposer錦」嘅明珠，大會表示佢最強嘅地方在於識得賣弄自己嘅優勢，就係可愛嘅樣貌同玲瓏浮凸嘅身材，萌系美少女對男士嚟講，有着極大嘅吸引力。此外，佢充滿可愛風嘅文筆，配合鹹而不淫嘅照片，同樣對男士嚟講有着一睇再睇嘅動力。最重要係佢經常喺日記中分享自己最愛嘅美食，呢種親切嘅生活風拉近了男士嘅距離。明珠表示佢起初想寫鹹味濃嘅日記，點知不知不覺咁分享咗日常（火羅）事，卻估唔到個個都大讚佢萌味十足，令佢覺得寫真日記相當好玩。

撰文：魂