一年前VR出現後，當時唔少AV迷都以為用VR嚟睇AV嘅日子終於嚟到，但隨住時間推移，卻發現用VR睇AV原來唔係咁方便，更加估唔到原來現時專門演出VR嘅AV男優竟然僅得4人！另外，日本有位美少女Cosplayer坦承為咗營造出爆乳效果而做咗手腳，由平胸變成巨乳，如此神乎其技，甚得粉絲支持。
口痕嘅男士見到身邊嘅女仔，心口時大時細，就會取笑話係變幻球，究竟當中有咩秘密呢？最近日本美少女Cosplayer「イズ氏」喺社交網為大家解開變幻球之謎。喺解開謎團之前，先介紹一下呢位喺日本相當有名氣嘅Cosplayer「イズ氏」，佢擁有一張萌味十足嘅娃娃臉，每次玩Cosplay都相當認真，準備各種道具及制服，務求扮得最神似。不過有唔少粉絲卻發現佢嘅胸部時大時細，因而感到十分疑惑。為咗解答大家嘅疑問，「イズ氏」便自爆當中嘅秘密，原來佢每次扮演爆乳女角色時，都會使用5對Nu Bra嚟營造出波濤「胸」湧嘅效果，佢坦言自己天生平胸，扮演貧乳角色絕對冇難度，當扮演爆乳角色時，就會使用Nu Bra疊加秘技，令胸部變得偉大，同時營造出一條深溝。結果粉絲知道真相後，並冇不滿佢裝假狗，反而覺得佢態度專業，表示十分支持添！
去年VR進入商品化市場後，各種打住VR旗號嘅遊戲應運而生，而作為世界著名嘅日本AV產業，當然唔會落後於人，各大AV片廠紛紛推出VR作品，唔少一線AV女優都有份參與演出。不過，呢類虛擬實境AV始終未能喺市場普及，而據資深AV男優清水健爆料指，原來專門演出VR式 AV嘅男優，全日本僅得4個人！可能有人會覺得奇怪，點解明明日本AV界已推出咗過百套VR 式AV，專門演出嘅AV男優人數竟然得咁少？清水健表示AV男優嘅收入同佢哋嘅演出有極大關係，僅得露面發射卻冇身體接觸嘅汁男優，佢哋平均月入約20萬日圓；而可以同女優身體接觸嘅男優，平均月入100至150萬日圓；至於有人氣又有床技嘅頂尖AV男優，月入高達250萬日圓。從中可以睇得出，傳統AV男優係按曝光率、床技及身體接觸量嚟計片酬，反觀拍攝VR式 AV時，男優全程唔使出鏡，只需要將鏡頭戴喺頭上開着，然後享受AV女優提供嘅服務便可，故此專門演出VR作品嘅AV男優人工偏低，以致願意拍攝嘅人數極少。
外國近年興起網絡約會，而約會之後有冇下文，則要視乎男女雙方嘅好感度而定。最近美國有個約會網站指出，如果男士喺網約時，於自我介紹中用上以下5個字，可以增加獲得女士青睞嘅機會，甚至會有下文。究竟邊5個字咁勁呢？答案分別係Physically Fit（身體健康）、Perceptive（有理解力）、Spontaneous（自我）、Outgoing（外向）同Optimistic（樂觀）。根據約會網站eHarmony指，如果男士用Physically Fit嚟自我介紹嘅話，獲得同異性互動機會提升百分之九十六。另外，有百分之五十一嘅女性表示，佢哋鍾意細心嘅男士，因此富有Perceptive嘅男士，更能獲得佢哋嘅關注。此外，有百分之四十五嘅女性認為自我嘅男士更加有性格、更加有魅力。百分之三十九嘅女性則認為樂觀嘅男士，可以畀到佢哋正能量，同佢哋相處時會更加舒服。不過網站同時又指，男士千祈唔好講大話，皆因若女士發現喺佢哋身上搵唔到呢啲特質，就會產生反感。咁係咪男士冇以上嘅特質，就冇機會同異性約會兼有下文？約會網站表示男士有幽默感或善良嘅話，同樣可以勾起異性興趣，相反男士唔願請食飯，或喺約會中只識得講天氣同紀錄片嘅話，想有下文都難。
撰文：魂