上星期先講過美國四仔迷對Sunny Leone咬住唔放，仲要將阿妹10年前嘅四仔當新片賣添！但印度方面都唔見得好噃，據India Today網站報道，Sunny Leone嘅嘜頭近日活躍喺當地街頭廣告牌，大半球拋咗出嚟，當地人話嚴重影響駕駛者嘅專注力，要求有關方面立即拆除。但亦有網友表示支持，認為Sunny Leone係印度性感象徵，能夠返工放工都見到佢，人都開心啲喎！咁究竟阿妹為乜又再蒲頭呢？當然唔係有新四仔或大電影上畫啦，原來係印度嘅「九夜節」，會一連9日9夜慶祝活動，咁同Sunny Leone有乜關係？坦白講，係完全無關，但有消息話印度男人當Sunny Leone係「女神」咁拜，加上今次唔係Sunny Leone自己賣廣告，而係阿妹代言嘅安全套品牌落廣告促銷，相信係因為男女慶祝過後冇乜好做，所以咪呼籲大家注重安全性行為囉！話時話，自從2012年Sunny Leone開始擔任安全套代言人後銷量大幅上升，由當地品牌進身國際品牌，唔係靠Sunny Leone嘅名氣，唔通係貪佢安全咩？