早前發生一單多位脫星控告美國新澤西一間夜場盜用寫真照，今日又有一單！話說一個以女性性健康自居嘅成人網站，被業界一班脫星指未經同意下轉載性愛影片，事件喺網上發酵，最後有關網站將全部影片刪除，仲要公開向脫星們道歉添呀！據成人新聞網XBIZ報道，一個叫「Bellesa」嘅女性網站由今年初開始被發現內容多次取用脫星四仔寫真及作品，製成GIF或剪輯成短片播放，及後被脫星發現，繼而喺社交網鬧爆該網站侵權，當中以大家姐Jessica Drake及Casey Calvert最憤怒，就連四仔女導演Jacky St. James都喺網上鬧埋一份，受到輿論壓力，最後網站將所有相關照片及短片刪除，網站CEO Michelle Shnaidman更發文道歉，事件先告平息咋！所以話脫星唔只有慾火，怒火都唔嘢少，尤其佢哋動員能力超強，網友千祈咪得罪佢哋呀！