女僕之所以吸引，除咗套制服誘人，仲會稱呼男方做主人，完全滿足晒大男人嘅慾望，你話如果有位可愛女僕陪上堂讀書幾好呢，日本一間電腦學校就幫大家夢想成真喇！另外，想知過去10年鹹片口味有乜變化，咁就要睇吓Pornhub多年以嚟嘅數據係點啦！
日本嘅女僕文化可以話已滲透到各類型嘅商業活動中，好似女僕咖啡室、女僕圖書館，以至女僕健身室都有，賣點就係有位身穿女僕服嘅美少女喺身邊服侍，讓客人體驗做「主人」嘅滋味。位於日本東京涉谷嘅電腦學校「Made In Maid Family」，專門教授製作VR及AR的技術，為咗令學員上堂更有樂趣，特別安排幾個身穿女僕服嘅可愛美少女陪伴上堂，係咪覺得好吸引呢？不過校方唔想喺當中存在主僕關係，所以學員稱呢班女僕做「學妹」，而女僕則稱呼學員做「學長」。至於斟茶遞水，甚至想有親密接觸？唔好意思，呢度真係一間純粹學習嘅電腦學校，唔係風俗店，千祈唔好手多多呀！話時話，點解呢間電腦學校會有陪讀女僕呢個諗法呢？據學校校長稱，製作VR同AR嘅過程既漫長又枯燥，如果有個女僕喺身邊嘅話，會起到療愈嘅作用，從而提升學員嘅學習興趣。雖然唔知呢位校長係咪一位女僕控，但可以肯定嘅係校內嘅學習氣氛，一定會深受女僕兼電腦迷歡迎囉！至於課程費用方面，每4小時3,000日圓，約210港元，又唔算好貴喎。
呢個世界冇免費午餐，但喺網絡世界就唔同，有唔少免費提供成人影片嘅網站，當中以Pornhub人氣最高，喺2007年成立，至今已經10年，唔單止見證網絡成人資訊嘅發展，更見證網民口味嘅變化，早前佢便分享當中嘅數據。網站團隊表示自2008年開始，智慧型手機成為人們生活嘅一部分，當時透過手機睇Pornhub影片嘅人數只得百分之一，隨住智慧型手機普及，至今已有超過百分之七十五嘅網民透過手機睇鹹片。至於最受歡迎嘅鹹片主題，喺呢10年間有着好大嘅分別，2007年素人主題最受歡迎，2011年為少女主題，2012年為人妻主題，而自2015年開始女同主題最深得網民歡心。至於最多人睇嘅脫星，2007年係Jenna Jameson，10年後嘅今日係Riley Reid。好多人都以為四仔迷追求新鮮感，脫星梗係愈新鮮愈好，但係事實上並非如此，按歷年累積瀏覽人次嚟睇，最多人睇嘅脫星係喺1972年5月9日出生嘅Lisa Ann，累積瀏覽人次多達1,014,118,546，排第2位嘅Riley Reid嘅瀏覽人次只得771,560,482，證明熟女脫星絕對有市場。
最近日本東京電視台嘅長壽旅遊節目《出沒！逛街天國》介紹神奈川七澤溫泉、東京鹽原溫泉等地方，節目一播出街，觀眾嘅焦點並非落喺溫泉旅館嘅環境有幾靚、溫泉有乜特色，而係在於一眾全裸出浴嘅寫真女優身上。據節目製作組稱，為咗拍攝現場實況，於是讓寫真女優全裸浸溫泉，但為免對方露點，攝影師事前做足準備，巧妙地運用溫泉周圍嘅物品，例如花草、石頭等，或者寫真女優手掩住三點，以及利用光暗陰影、拉遠距離等攝影技巧，令鏡頭影唔到三點嘅同時，又能呈現寫真女優嘅身材。其實呢個節目嘅攝影師借位攝影技巧高超早已聞名，好似喺今年初嘅一系列溫泉旅遊節目中，已經運用過同樣嘅方法，既帶畀觀眾視覺刺激，同時又可以避免露三點嘅畫面。雖然節目組解釋咁多，但始終冇講點解一定要搵胸前激凸嘅寫真女優嚟演出囉！
撰文：魂